Еркекшоралардың өзгеге жаны аши бермейді

Әйел адамның ағзасындағы тестостерон еркектік жыныс гор­мо­ны­ның азғана мөлшерінің өзі оның аяушылық сезімі деңгейін төмендетеді. Демек, еркекшора қыз-келіншектердің өзгеге жаны аши бермейді. Ағылшын және дат ғалымдары мұны зерт­теу жүзінде дәлелдеді.

BBC-дің хабарлауынша, Кембридж және Утрехт университетінің зерт­теу­ші­лері әйел адам­дар ағзасындағы тес­­тос­терон деңгейінің әсерін есепке ал­ған. Зерттеуге мінез-құлқы ер адам­ға тән ондаған ерікті әйел қатыс­ты. Олардың 16-сының бойынан тес­тос­терон гор­мо­ны анықталған. Пси­хо­логиялық зерттеу ба­рысында мұндай қыз-келіншектердің өзгелердің көңіл күйін түсіне алмайтыны да белгілі болды. Тіпті бірқатары кісіге мүлдем аяушылық та­ныта білмейтін болып шықты. Ғалымдар еркек­шора қыз-келіншектердің сұқ және аты жоқ сау­сақтары ұзын­ды­ғының бірдей бола­ты­нын және олардың бала кезінде аутизмге бейім ке­летінін де айтып отыр.