Егеубаева әлем секс-символдарының бірі атанды

Америкалық Esquire журналы әлемнің «сексуалды атласын» жасады. Онда дүниежүзі мемлекеттері сол елдердегі ең әдемі қыз-келіншектер арқылы таныстырылған. «Сексуалды атласта» Қазақстан Республикасын таныстыру экономист әрі белгілі журналист, тележүргізуші Динара Егеубаеваға бұйырыпты.

Ерекше географиялық карта басы­лым редакция­сының әлемдегі ең сек­суал­ды тұлғаларға қатысты көз­қа­ра­сын біл­ді­ре­ді. Картадан бұрын, әр елдегі көрікті тұлғалар іріктелген. Таңдау шарт­тарына олардың көз әдемілігінен бастап, өмірлік ұстанымдарына дейін ен­ген. Ең әдемілер қатарында өнер жұлдыздары, сұлулық ханшайымдары, ақын-жазушы­лар, сая­сат­керлер, журналистер мен басқа да белгілі адамдар бар. Журнал ғаламшар­дың ең сексуалды әйелі ретін­де амери­калық актриса Минка Келлиді атайды. Ал Қазақстан бойынша бұл атаққа Ди­на­ра Егеубаева лайық деп танылған. Бизнес пен менеджмент сала­сының білгірі әрі танымал тележүргізуші қазір республикалық телеарналар жарна­ма­ларына түсіп жүр. Жер шары­ның «сек­суал­ды атласында» Ресейді су­пер­модель Наталья Водянова, Украина­ны бұрынғы премьер-министр Юлия Тимошенко, Өзбекстанды актриса Ната­ша Алам, Қырғызстанды жеңіл атлет Ра­хи­ма Сарди, Әзірбайжанды елдің бірінші ханымы әрі ғаламның мейірімді жандарының бірі Мехрибан Әлиева таныстырады.