Балалық шақтағы депрессия өмір бойы сақталады

Балалық шақтағы жағымсыз эмоцияның барлығы есейген сайын адам жүрегіндегі ақауларды көбейте береді. Балаңыз жеті жасқа дейін депрессияға ұшырап үлгерсе, кейін жүрегі ауыратындардың қатарынан табылуы әбден мүмкін.

                                                                                      meddaily.ru
Мeddaily.ru сайтының хабарлауын­ша, шетелдік мамандар балалық шақ­тағы күйзелістің өмір бойы адам ден­саулығына кері әсер ететінін анықтаған. Зерттеушілердің сөзіне сенсек, жеті жасқа жеткенше баланың басынан өт­кен жағымсыз жайттар мен сезім күй­зе­лістері жүрек ауруларына шалдық­тырады. Және жүрек ақаулары ондаған жылдар өткеннен кейін ғана біліне бас­тайды екен. Зерттеудің жетекшісі, док­тор Эллисон Эпплтонның айтуынша, зерттеу жұмыстарына 40 жастан асқан 377 адам қатыстырылған. Олар жеті жыл­­дың ішінде көптеген сынақ­тардан өткен. Сынақ нәтижелері балалық шақтағы күйзелістің салдары әйелдердің жүрек ауруларын – 31%, ал ер адамдарда 17%-ға асқындырғанын анықтап берген. Осылайша, соңғы 10 жылда әйелдердің жүрек талмасы 3,2 – 4,2 %-ға, ер адам­дардыкі 7,3 – 8,5 %-ға өскен. Сондықтан психолог ма­ман­дар балалардың ерте кезден күйзеліске ұшырауына жол бермеу керек деп отыр. Себебі адам баласының мінез-құлқы мен сана-сезімі жеті жасқа дейін қалыптасып, өмір бойы сол қалпын сақтайтын болады.