Анорексия ауруы мен ми көлемі арасында байланыс бар

Ми бөліктері үлкейген адамдар анорексия ауруына бейім келеді. Мeddaily.ru-дың хабарлауынша, науқас және сау қыз балалар миына салыстыра талдау жүргізген Колорадо университеті Медицина мектебінің сарапшылары осыған көз жеткізді.

                                                                                                        medselect.ru
Психиатрия және неврология про­фессоры Гидо Франктың айтуын­ша, анорексияға шалдыққан жас­өс­пірім қыздар миының маңдай бөлі­гі­нің сол жағы мен ми аралшығының оң жағы сау қыздар миына қарағанда тым үлкен болып шыққан. Сонымен бір­ге науқас қыздар миының самай қа­бығындағы сұр заттың да көлемді бола­тыны анықталды. Ми аралшығы дәм сезуге жауапты болса, мидың орбиталық-фронталдық, яғни маңдай бөлігі тойыну сезіміне жауапты. Ғалымдардың айтуынша, осы бөліктердің ша­мадан тыс үлкейіп кетуі қыз балалардың тамаққа тәбетін жоғалтып, ақыры анорексияға ұшыратқан.