СССР-ді аңсағандар ашық ақпараттық шабуылға шықты

Фейсбук әлеуметтік желісінде журналист Тоқтар Жақаш дабыл қақты. Фейсбуктың белсенді қолданушысы Мәскеуде шығатын газет Алматыда тегін таратылып жатыр дейді. Тегін таратылған газеттің көздегені не?
"Дабыл!
Ақпараттық қауіпсіздікке қауіп төнді!
СССР-ды аңсау асқынып бара жатыр. Мәскеуде шығатын мына кәзит Алматыда тегін таратылып жатыр. Материалдары мен ұраны - Қазақстан Республикасының Конституциялық құрылымын талқандау, елдің егемендігіне қол сұғу. Қазақстан Республикасының заңды жолмен сайланған басшыларын, Үкіметін, депутаттарын, әскери құрылымдарын жойып, бодандық қамытты қайта кигізуді көздеген. Өздерінің жазуынша - "бағына қоймаған СССР азаматтарының органы" екен! Қырым мен Украина, Орта Азиядағы туыстас мемлекеттерді бізге қарсы қоятын мақаларды үйіп-төгіпті. Бұған жол бермеу керек! Осы мәселе бойынша Алматы Қаласының Әкімдігі, Алматы полициясы тергеу-тексеру амалдарын жүргізіп, радикалды-экстремистік басылымға қарсы Қазақстан Республикасы Қылмыстық және Әкімшілік Кодекстерінің ең қатал талаптары бойынша шара қолданады деп үміттенемін." дейді. Расында да тууу Мәскеден шығатын газетті, әкеліп тегін таратқандар кімнің сойылын соғып жүр? Газеттің аты айтып тұрғандай СССР-ді кімдер аңсап жүр және ел бірлігіне кері әсер ететін мұндай бассыздықтарға жаза қайда? Расында да соңғы кездері бостан бос байбалам салып, ел Тәуелсіздігін көре алмайтындардың көздегені не? Тоқтауды кім салады?
Алаш айнасы