Қазақстанның ерекше қорғаудағы көрікті жерлері ұзақ мерзімге жалға берілмек
Ақпан айынан бастап Қазақстанның табиғаты көз тартатын ерекше қорғаудағы көрікті жерлері ұзақ мерзімге жалға берілмек. Мақсат - туризмді дамыту, демалыс орындарын жандандыру. 2006 жылдан бері Орман шаруашылы және жануарлар дүниесін қорғау комитеті жалпы аумағы 10 мың гектарға жуық жер телімін әлден жалға беріп қойыпты.
Ерекше қорғаудағы табиғи аумақтарды жалға берудегі нақты талап экологиялық туризмді жетілдіру. Алматыда бас қосқан сала мамандары мен табиғи парк басшылары тендерге түсетін жер телімдерін кәсіпкерлерге таныстырды. Табиғатқа зиян келтірмей, туристерге керемет демалыс ұйымдастыруды көздеген ұлттық парк басшылары, экологиялық туризмге шетелдік қонақтардың аңсары ауып тұрады дейді.
Америкадан келіп жатқан, Еуропадан келіп жатқан туристер бір емес бірнеше қайтара келуге тырысады. Себебі олар бір көрген жерді, қызығушылықпен қайта-қайта келіп көріп, сол жерлерден өздеріне, денсаулықтарына шипа алып, ризашылықпен қайтып жатады.
