Кеңес үкіметі кезінде орысша білмейтін қазақты орыстар қалай менсінбей, кекетіп-мұқатса Тәуелсіздіктің 30 жылдығында тілі орысша қазақтар орысша сөйлемейтін қазақтарды тура солай менсінбей қарайды екен.
Ол топта Кеңес кезінде қалыптасқан ескі ұрпақ қана емес, Тәуелсіздік жылдарында өмірге келген жаңа ұрпақтың аз болмағаны тіпті өкінішті!
Олар "осынау ұлан байтақ жерді қорғап қалған" деп ардақтайтын ата-бабамыздың болмысын түсінбекке ұмтылмақ түгілі "сол ескі тіл аяғымызға тұсау болмай ұмытылып кетсе екен" деп мысықтілеу тілейді-ау осы.
Ал сен "отыз жылда оларды қазақша сөйлете алмадық" деп күйінесің! Алайда ол саған пысқырып та қарамайды.
Олардың (өзі қазақ бола тұра) қазақты менсінбейтін өр кеудесі отыз жылда бір елі төмен түскен емес!
Себебі көп. Бастысы - билік құрылымы негізінен орысша сөйлейді. Көп басшылық та солай. Балаларын орысша, ағылшынша оқытады. Өздерінің көруінше балаларының болашағының ана тілімен қиылысатын тұсы жоқ секілді...
Ұларбек Нұрғалымұлы
Фейсбуктегі парақшасынан