Барлық автократқа тән ортақ бір ауру жүлгесі бар. Олар билікті балға, халықты шеге секілді сезініп бірде-бір шындыққа обективті қарай алмайды.
Сталинге байланысты мына деректі жап-жаңа ғана оқып, жағамды ұстадым.
XX ғасыр басында Владимир Бехтерев атты (суреттегі орыс ғалымы) бихевиоризм секілді су жаңа ғылым саласының негізін салған ғажайып тұлға болған.
1927 жылы қатты күйзеліске ұшырап, түн ұйқысынан айырылған Сталин осы ғалымды өзіне жекелей шақыртып алады.
Бехтерев бірінші басшы денсаулығын әбден жіті қарап, тексерістен өткізгеннен кейін, оған паранойя (есі ауысқан) деген нақты диагноз қояды. Осы ғылыми қорытынды жауабын естіген сәтінде-ақ Сталиннің күре тамыры білеуленіп Бехтеревті бірден жазым қылып, денсін өртетіп жібереді. Енді осымен ғана тынши салса жақсы ғой. Ғалымның ұлын да өлім жазасына кесіп, барлық еңбектеріне қатаң тиым салады.
Мұны арнайы жазып отырғаным, біздегі бір үлкен кісінің 2000 жылдардан кейін саяси карьерасында сыр берген альцгеймер симптомын айтамыз деп талай "Бехтеревтердің" бағылан басы қидаланып кетті. Сосын не болды дейсіз ғой?
Не болушы еді әйгілі Ежи Лец айтпақшы "ЕРГЕЖЕЙЛІЛЕР ЕЛІНДЕ ЕЛ БАСШЫСЫНА ТЕК ҮЛТКЕЙТКІШТЕР (лупа) АРҚЫЛЫ ҒАНА ҚАРАУҒА РҰХСАТ ЕТІЛЕДІ" дейтін жаңа қағиданың жаппай ләппай тақсыршылары пайда болып, міне, осылардың ғана айы оңынан туды.
Ықылас Ожайұлы
Фейсбуктегі парақшасынан