Уимблдон: Александр Бубликтің келесі қарсыласы белгілі болды
![Уимблдон: Александр Бубликтің келесі қарсыласы белгілі болды](/image/stub.png)
Қазақстанның бірінші, әлемнің 26-ракеткасы Александр Бубликтің Уимблдонның төртінші айналымындағы қарсыласы белгілі болды, - деп хабарлайды Alashainasy.kz тілшісі "ҚазАқпарат"-қа сілтеме жасап.
Қазақстандық теннисші әлемнің 7-ракеткасы, ресейлік Андрей Рублевпен ширек финалға шығу үшін таласады.
Қос спортшы бір-бірін жасөспірім кезінен жақсы біледі. Осыған дейін олар бес рет кездесіп, соның үшеуінде А.Рублев, екеуінде А.Бублик жеңген.
Қазақстандық спортшы жуырда Галле (Германия) ATP 500 турнирінің финалында ресейлікті 6:3, 3:6, 6:3 есебімен ұтқан еді.
А.Рублев Уимблдон жарысының үшінші айналымында рейтингте 123-орында тұрған бельгиялық Давид Гоффенді үш сағаттан астам уақытқа созылған матчта 6:3, 6:7 (6:8), 7:6 (7:5), 6:1 есебімен жолдан тайдырды.
А.Бублик пен А.Рублев 9 шілде күні ширек финал жолдамасын сарапқа салады.
Александр Бублик төртінші айналымға шыққаны үшін 207 мың фунт стерлинг (118 млн-дай теңге) табыс тапты.
Сенбі күні Қазақстанның әйелдер арасындағы бірінші, әлемнің 3-ракеткасы Елена Рыбакина үшінші айналымда рейтингте 89-сатыдағы ұлыбританиялық Кэти Бултермен ойнайды. Мұнда жергілікті жанкүйерлер арасында корт иесінің барын салары сөзсіз.
Еске сала кетейік, бұдан бұрын Уимблдонда Елена Рыбакинаның екінші жеңісіне қол жеткізгенін жазған болатынбыз.
Сондай-ақ Тимофей Скатов Германиядағы жарыстың жартылай финалына шықты.
Ал Александр Бублик алғаш рет Уимблдонның төртінші айналымына өтті.
Қазақстандық жас теннисшілер Тегерандағы доданың финалында.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)