Халықаралық аренада қазақ спортының беделі тағы бір рет шарықтады. Біріккен күрес әлемінің (UWW) Даңқ залына еліміздің екі тарихи тұлғасының есімдері енгізілді. Олар – Жақсылық Үшкемпіров пен Вадим Псарев, - деп сүйінші сұрайды «Алаш айнасы»
Биылғы жылдың 6 қыркүйегі бүкіләлемдік және Қазақстан күресі тарихындағы елеулі күн болды. Белдесу өнерін дамытуға өлшеусіз еңбек сіңіріп, сүбелі үлес қосқан тарихи тұлғалардың есімдері Даңқ залына енгізілді.
Дәл осы күні UWW Даңқ залына барлығы 16 адам енгізілген. Олардың үшеуі бапкер, екеуі төреші, төртеуі еркін күрес шебері, үшеуі грек-рим күресінің майталманы, екеуі әйелдер күресінің үздігі, енді екеуі «аңыз» номинациясына енгізілген жарық жұлдыздар.
Осы таңдаулы тұлғалар қатарында біздің елден Жақсылық Үшкемпіров пен Вадим Псарев бар.
– Әрине, біз үшін бұл - өте маңызды және қуанышты оқиға. Өзім біраз белестерді бағындырған спортқа арнаған еңбегім зая кеткен жоқ. Меніңше, мұндай шаралар күрестің бүкіләлемдік мәртебесін өсіре түседі. Еліміздің жас балуандарына өз мақсаттарына жетіп, спортта биік ауларды бағындыруына тілектеспін, – деп тебіреніпті Мәскеу Олимпиадасының чемпионы Жақсылық Үшкемпіров ҚР күрес федерациясы тілшілеріне берген пікірінде.
Өз кезегімізде Жақсылық Үшкемпіров ағамыз бен Вадим Псарев ақсақалды шын жүректен құттықтаймыз.