Футболдан Қазақстан кубогының ширек финалына шыққан алғашқы команда анықталды, деп хабарлайды BAQ.KZ AstanaTV-ға сілтеме жасап.
Қазақстан кубогының 1/8 финалының қарымта ойындары кеше және бүгінге белгіленген.
Алғашқы кездесуде көкшетаулық «Оқжетпес» өз алаңында қарағандылық «Шахтерді» қабылдады.
Екі команда арасындағы бірінші ойында қарағандылық клуб 1:0 есебімен жеңіске жеткен еді. Сондықтан жарысты жалғастыратын команда бүгінгі кездесуде анықталуы мүмкін еді.
Командалар ойын басынан шабуылға көшті. Қарағандылық клуб 32-минутқа дейін үш гол соғып кетті.
Алдымен 6-минутта Тимур Чогадзе есеп ашса, одан кейін Юрий Перцух 12, Иван Свиридов 15-минутта көздеген нысанадан мүлт кеткен жоқ.
Ал 32-минутта көкшетаулық Алексей Татаев автогол авторы атанса, 93-минутта Айдос Тәттібаев қорытынды есепті белгіледі.
Осылайша «Шахтер» қарсыласынан 5:0 есебімен басым түсіп, ширек финалға жолдама алды.
Сондай-ақ кеше «Жетісу» (Талдықорған) мен «Қызылжар» (Петропавл), «Ордабасы» (Шымкент) мен «Мақтарал» (Түркістан облысы), «Атырау» - «Ақтөбе» шеберлік байқасты.
Ал бүгін «Ақсу» (Павлодар облысы) мен «Тобыл» (Қостанай), «Тұран» (Түркістан) мен «Каспий» (Ақтау), «Ақжайық» (Орал) пен «Қайрат» (Алматы), «Қайсар» (Қызылорда) мен «Астана» жасыл алаңға шығады.