Бүгін – спорт журналистикасы күні

Бүгін, яғни 2 шілде – Ха­лық­аралық спорт журна­лис­тері күні. Әріптестерімізді кә­сі­би мерекелерімен құттық­тай­мыз.
Біздің елде Халықаралық спорт басылымдары қауымдастығының (AIPS) құра­мына кіретін Қазақстан спорт журналистері қауымдастығы болған. Төрағасы көпші­лікке танымал спорт журналисі, жазушы Не­сіп Жүнісбайұлы болатын. Кейінгі жылдары бұл қауымдастық әртүрлі себептермен өз жұмысын толыққанды жүргізе алмай қалды. Алдағы уақытта аталмыш қауым­дастық өз жұмысын қайта жандан­дырмақ.
Өз кезегімізде аталмыш қауымдас­тықтың уығын қайта қадап, түтінін қайта түтетуіне тілектеспіз. Әрі Қазақстан спорт журналистері қауымдастығы алдағы уа­қыт­та жас журналистерге қолдау көрсе­тіп, таланттардың көзін ашып, бүкіл спорт журналистерінің мүддесін қорғайды деп сенеміз.