Белгілі журналист спортшылар арасындағы суицидке қатысты бар шындықты айтты
Журналист Аслан Каженов шындық жоқ қоғамда суицид көбейетінін айтты, - деп хабарлайды Alashainasy.kz тілшісі Сaravan.kz-ке сілтеме жасап.
Бұл туралы ол өзінің Instagram парақшасында жазды.
"Суицид болған, болуда, болады да...
Өйткені, шындық жоқ қоғамда, әділдік жоқ ортада осындай жағдай орын алады.
Өз-өзіне қол салу көрсеткішінен қазір әлемдік тізімнің алдыңғы қатарындамыз. Спортшылар мен бапкерлер қаншама мұңын айтады? Қаншама проблемасын естіп жүрмін? Спорттық федерациялар мен спорт басқармалары ойға келгенін жасауда. Дым көрмегнендік. Оның бәрі ішімде тас болып жатыр. Шығарайын десең, звонокпен қорқытады, сотқа сүйрелейді. Ешкім тыңдағысы келмейді.
Салаға жауаптылардың бәрі - "красавчик". Себебі, пиарщиктері соларға ғана өліп-өшіп жұмыс істейді. Қарапайым халықтың мұң-зарын ұрғандары бар.
Мен бірнеше мәрте кездесуге сұрандым. Қабылдамады. Анау-мынау деп, жылы жаба салды. Енді сондай қарым-қатынастың кері әсерін көріп отырмыз.
Седов - бір ғана мысал. Егер осы жүйе қалда берсе, ештеңе өзгермесе, ештеңе жаңармаса, әлі талайы болады.
Қараптан-қарап қандай жігіттен айырылып қалдық?! Ашығын айту керек, бәріміз осы Седовтың ар жақ-бер жағы болып жүрміз...", - деп жазды ол.
