«Жасыл елден» жырып жепті

Республикалық маңызы бар бағдарламалар жүзеге асуын асып жатыр-ау. Алайда оны жетер жеріне жеткізбей, жергілікті атқамінерлер желкесін қиып отыр. Мысалға...
Облыстық прокуратураның тексеруі ба­ры­сында Жамбыл облысы әкімдігінің «Та­би­ғи ресурстар және табиғат пайда­лану­ды рет­теу» басқармасының кәсіпкерлік қыз­метті атқаруға құқыққа сай емес ықпал етуі жай­ты анықталды. Басқарма мен «Қа­зақ­стан ауыл жастары» қоғамдық бірлестігі ара­сында жасалған наурыз айындағы ке­лісімшартқа сай, соңғы «Жасыл ел» бағ­дар­ламасын орын­дау аясында 3 850 000 теңгеге жастар ак­цияларын және өзге де іс-шаралар өткі­зу­ге міндеттеме алған. Алай­да орындаушы ке­лісімдегі міндет­те­мелерінің 1 639 095 тең­гесінің жұмысын орындамағанына қа­ра­мастан, басқар­маның лауазымды тұл­ға­лары қабылдаған міндеттердің толық кө­лем­де орындалғаны туралы актіге қолын қойып, нәтижесінде 100 пайыздық тө­лем жүргізген. Сондай-ақ басқарманың ла­уа­зымды тұлғалары ор­ман­ды қорғау іс-шараларын өткізу жө­ніндегі келі­сім­шарт­тағы міндеттерін уақ­ты­лы орындама­ған «Тараз фортуна» ЖШС мен «Тараз ор­ман шаруашылығы» ЖШС-ға қатысты ша­ра қолданбаған.
Дәурен КӨБЕЕВ, Жамбыл облыстық прокуратурасының басқарма аға прокуроры:
– Облыстық прокуратураның ұсынысы негізінде басқарма бастығының орынбаса­ры мен бөлім бастығы, «Сыбайлас жемқор­лықпен күрес» заңының талаптарына сай, тәр­тіптік жауапқа тартылды.