Түркі жұртын біріктірер білім ордасы

Шет тілдер және іскерлік карьера университетінің құрылғанына көп уақыт бола қойған жоқ. «Орта Азия мәдениет қорының» қолдауымен шаңырақ көтерген білім ордасы Алматы қаласындағы беделді ЖОО-лардың біріне айналып отыр. Университетті білікті педагог, тарих ғылымының докторы, профессор Сабри Хизметли мырза басқарады. Ол жайлы «Мемлекеттік тілге құрмет» бірлестігінің төрайымы Аслы Осман: «Сабри Хизметли «ата жұртым» деп келген түркі бауырларымның арасында іс-қағаздарды қазақ тілінде жүргізіп отырған, өзі қазақ тілін меңгерген жоғары оқу орындары басшыларының бірегейі деп білемін. Бұл оқу орнының жастарды патриоттық рухта тәрбиелеудегі алар орны ерекше», – деп айтқан болатын.
Әрине, заманға лайықты бәсекеге сай болу студенттердің алған білімінің нәтижесі арқылы бағаланатыны белгілі. Сондықтан алғаш ашылғаннан-ақ университет бас­шы­лығы білім берудің сапасын арттыру мақ­сатында ең алдымен жаңа талаптарға сай инновациялы білім беру мазмұнын те­реңдетіп оқытатын кәсіби мамандардың білімін жетілдіруге ерекше көңіл бөлді.
Тәуелсіздіктің 20 жылдығына орай өт­кі­зілген «Қазақстанда гуманитарлық-эко­но­микалық ғылымдардың жалпы жағдайы және сапасы» атты халықаралық ғылыми-прак­тикалық конференция аясында түркі­тіл­дес халықтардың ортақ мұрағаттары, еуропалық білім кеңестеріне ену мәселелері сөз болды.
Сабри ХИЗМЕТЛИ, Шет тілдер және іскер­лік карьера университетінің ректоры:
– Тарихтың да, тағдырдың да сы­ны­нан абыроймен өткен Қазақстан әлем таныған мемлекетке айналып отыр. Ғы­лым саласы да мемлекетпен бірге қа­рыш­тап дамып келеді. Тәуелсіздіктің алғашқы күнінен бастап Қазақстан осы бағытта нақты шараларды жүзеге асы­рып келеді. Таяу үш жылда ғылымға бө­лін­ген қаражаттың мөлшері бірнеше есе өсті. Ғылымның дамуына үнемі қол­дау көрсетіп, қамқорлық жасап отыр­ғаны үшін Елбасына алғыс айтамын.
«Ел ертеңінің жарқын болуы ғалым­дар­дың жетістігіне байланысты» деген Елбасы Н.Ә.Назарбаевтың сөзін ескерген оқу ор­да­сы әкімшілігі маман даярлаудың үш дең­гейлі білім жүйесін негізге алып отыр.
Университеттің халықаралық ынты­мақ­тас­тығы үш бағыт бойынша жүзеге асы­ры­лу­да. Олар: шетелдік университеттермен екіжақты ынтымақтастық орнату, студенттер мен профессор-оқытушылар құрамы үшін грант­тарды беру бойынша ақпараттық қолдау көрсету, елдің елшіліктерімен және тілдік орталықтармен ынтымақтастық көрсету. Университет Франция, АҚШ, Ис­па­ния, Германия, Ресей, Қытай, биыл Ита­лия тағы басқа елдердің ЖОО-мен әріп­тес­тік байланыста. Екіжақты білім беру бағ­дарламасымен білім беру жұмысын жалғастыруда. Қазіргі кезде шетелдерде өз мамандықтары бойынша қос дипломдық білім туралы шартқа қол қойылып отыр.
З.С.АҚТАМБЕРДИЕВА, Шет тілдер және іс­керлік карьера университетінің оқу әдіс­теме істері жөніндегі проректоры:
– Үкіметаралық және халықаралық екіжақты алмасу келісімшарты бойын­ша, 50 магистрант және бакалавр шетел­дерде білім алуда. Білім деңгейін және біліктілікті арттыру мақсатында биылғы оқу жылында Түркия, Қытай, АҚШ, Египет, Ресейден 15 оқытушы ға­лым келді, 20 студент Қытайда, Түр­кия­да білімін шыңдауда. Келісімшарт не­гі­зін­де жыл сайын студенттеріміз туризм, аударма ісі және экономика маман­дық­тары бойынша Түркия мемлекетінің есе­бінен оқу тәжірибесінен өтіп оты­ра­ды.
Университет ректоры Сабри Хизметли тәлімгерлердің әлеуметтік мәселесіне де жіті көңіл бөліп отыр. Мәселен, Қазақ­стан­дағы 149 жоғары оқу орнындағы 2500 сту­дентке грант бөлінсе, оның ішінде 632 студент Шет тілдер және іскерлік карьера университетінің жеңілдіктерімен оқиды.
Түркия мен Қазақстан арасында білім мен мәдениет көпір болып, сапа, тәртіп, тәр­бие жағынан табысты жұмыс істеп, шет тіл­дерін терең меңгеру үшін көп іс тын­ды­рылып келе жатқан жас оқу орны. Осындай жұ­мыстар нәтижесінің қорытындысы бойынша 2010 жылы «TS-EN-ISO9001: 2001» Түркияның стандарттар инс­ти­ту­ты­ның халықаралық сапа менеджменті сертификатына ие болды. ҚР Білім және ғылым министрлігінің «Ең табысты әлеу­меттік-экономикалық ЖОО» тізімінде се­гі­зінші орынға ие.
Университет жарғысы бойынша оқу қазақ, орыс және ағылшын тілдерінде жүр­гізіліп, студенттер міндетті түрде қазақ-түрік тілдерін меңгеріп шығады.
Биылғы оқу жылында 30-дан астам қазақ тобына грант бөлінді, оқу қазақ, араб, ағылшын, қытай және түрік тілдерінде жүр­гізілді. Барлық мамандықта шәкірт қалауы бойынша екі шет тілін тегін меңгере алады.
Университет өміріндегі ерекше айтылар жайт – ұлттық құндылықтарға айрықша мән берілетіндігі. «Тіл үйрету орталығында мемлекеттік тілді толығымен меңгеруге арнал­ған сабақтар өткізіліп, алты маман­дық бойынша дайындық курстары ұйым­дас­тырылған. Бұл курстарда 200-ге жуық азамат тілді меңгеруде. Толық курсты оқып шыққан студенттерге сертификат бері­ле­ді.
Жиналыстарда ісқағаздар түгелдей қазақ тілінде жүргізіледі.
Елбасы білім берудің сапасын арттыру үшін елімізді индустрияландыру және жал­пы экономиканың дамуы үшін сапалы, жо­ғары, білімді, өз мамандығын жете мең­герген кадр­ларды дайындау қажет деген талап қойды. Қазақстан ЖОО-ның халық­ара­лық рейтингіге кіру мәселесінің маңыз­дылығын көтерді, бұл дегеніміз – әлемдік білім беру талаптарына сай болу деген сөз. Бүгінгі таңда ШТ және ІКУ-де ЖОО-лардың халық­аралық рейтингісіне кіруге барлық шарт жасалған. Бұған Түркия, Қытай, АҚШ, Египет, Ресей университеттерімен жұмыс істеу тәжірибеміз негіз болады. Бұл шетел тәжірибесімен танысуға, жұмыстың жаңа тәсілдерін игеруге көп мүмкіндік береді. Ғаламторға шығу әсіресе білім беру жүйе­сінде халықаралық теория мен практиканың жетістіктерін қолдануда, мәдениетаралық ин­теграцияны ұғынуда өте маңызды болып та­былады.