Қоғам болып күресетін дерт – нашақорлық

Шымкенттегі Cалауатты өмір салтын қалыптастыру орталығында «Жарық Әлем» қоғамдық бірлестігінің ұйымдастыруымен «Нашақорлық­қа қарсы насихат» тақырыбында жергілікті бұқаралық ақпарат құралдары өкілдеріне арналған семинар өтті. Статистикалық мәліметтерге жүгінер болсақ, жыл сайын шамамен бірнеше жүздеген адам осы дертке шалды­ға­ды екен. Оның ішінде 13 пен 30 жас аралығында жастар көптеп кездесуде.
Бұл реткі көшпелі семинар өткізудің се­бебі, нашақорлық мәселесіне байланысты қа­лам тартып жүрген тілшілердің біліктілігін арт­тыру. Осымен еліміздің бес қаласында бо­лып, есірткінің Қазақстанда оңай та­ралуының себептерін түсіндіріп, оның қуа­тын әлсіретудің жолдарын айтып өтті.
Науат АЙТУҒАНОВА, «Жарық Әлем» қоғамдық бірлестігі басшысының орынбасары:
– Бастысы – әлемді дендеп бара жатқан ін­деттің ел аумағында кең етек алуының алдын алу. Сондықтан семинарды халық ты­ғыз орналасқан Қарағанды, Астана, Ал­ма­ты, Қызылорда мен Шымкент қаласында өт­кізіп жатырмыз. Журналистерге нашақор­лық­қа қарсы мақалаларды дұрыс жазуын сон­дай-ақ телеарналардағы жаңалықтар­ды немесе бағдарламалардың  қалай жа­зы­луын үйретіп жатырмыз..
Жиын қатысушыларына нашақорлыққа қарсы насихат жүргізіу тәсілдері туралы көптеген практикалық дүниелер айтылды. Мамандардың пікірінше, бүгінде Алматы облысы нашақорлардың санынан көш бастап тұр. Одан кейінгі – Қарағанды, Павлодар облыстары. Шығыс Қазақстанда да есірткіге есі кеткендер саны аз емес.