Озонотерапияның артықшылығы көп

Қолданыстағы көптеген дәрі-дәрмектердің қосалқы әсері болатыны белгілі. Сондай-ақ мамандар үзбей дәрі пайдаланудың кей жағдайда адам ағзасына зиян екенін де айтады. Сондықтан да соңғы кездері медицина саласында табиғи емдік шөптерді, адам ағзасына зиян келтірмейтін ем тәсілдерін қолдану өркендеп келеді. Сондай зиянсыз ем тәсілінің бір түрі – озонотерапия.
Ең алғаш озонотерапия әдісі ҚР Пре­зи­ден­ті істері жөніндегі басқармасы меди­цина орталығының клиникалық ауру­ха­насы – Совминнің экстра­кор­по­рал­ды ге­мотүзету бөлімінде енгізілді. Бүгінгі күнде озонотерапия сауықтыру мен емдеудің әлемдегі ең кең тараған дәрі-дәрмексіз тәсіліне айналуда.
Жолымбет ТІЛЕУОВ, Экстракорпоральді гемо­түзету бөлімінің меңгерушісі:
– Осы уақытқа дейінгі іс-тәжірибе озон газының көмегімен көптеген ауру­лар­ды емдеп, жазуға болатынын көр­сетіп келеді. Бірқатар жағдайларда тек озон ғана күшті әсер ететін дәрілерді тиімді түрде ауыстыруға қабілетті екенін дәлелдеді. Ең маңыздысы, озонның ешқандай қосалқы әсері жоқ. Сонымен қатар озонмен ұштастыра жүргізгенде, емдеудің өзге тәсілдерінің тиімділігі бірнеше есе артады. Микробты жасу­ша­лардың, вирустың, сүйелдің ішіне оңай ене отырып, озон озонидтердің мембранаға қышқылдандырушылық әсер ететін, солайша олардың қабық­ша­ларының бүтіндігін бұзатын биоло­гия­лық белсенді топтарын түзеді. Озон­ның өте жоғары антисептикалық тиім­ділігі оның дәл осындай қасиетіне негізделген, ол антибиотиктерге төзімді герпестің, А, В, С гепатиттерінің вирус­та­рына және басқа да күшті вирустарға да әсер етеді.
Маманның айтуына қарағанда, озо­нид­тер, сондай-ақ бүкіл ағзадағы фер­мент­тердің және жасуішілік құры­лым­дардың белсенділігін күшейтетін ката­лизатордың да қызметін атқарады. Осыған орай адам ағзасында қышқылдану-қалпына келу үдерістері жанданады. Ағзаға озон енгізу қанда оттегінің күрт көбеюімен қоса жүреді және биологиялық белсенді заттардың түзілуі жақсарады. Соған сәйкес, қанның қызыл түйір­шік­те­рі­нің – эритроциттердің оттегі тасымалдау қабілеттілігі артады. Озон сфероциттердің пішінін өзгерту арқылы және эрит­ро­цит­тер­дің жабысқақтығын болдырмау жолы­мен тамырдағы қанның аққыштығын арт­ты­рады, соның есебінен барлық дене мү­шелерінің және бұлшықеттердің, соның ішінде оттегімен жеткіліксіз қоректенетін тұстардың, қанмен қамтамасыз етілуі жақ­сарады. Сондай-ақ озонидтер иммундық жүйенің жасушаларын, әсіресе олардың фаго­цитарлық қызметін жандандырады, оның қорғаушылық белсенділігін 10 есе арт­тырады. Простагландиндерді – қабы­ну­шылық реакцияларға қатысатын биоло­гия­лық белсенді қосындыларды қыш­қыл­дан­дыра отырып, озонидтер зақымданған еттердегі қалпына келтіру үдерістерін орнына келтіреді, бұл қабыну құбы­лыс­та­ры­ның жойылуына әсер етеді. Озонның төменгі дозаларын алғанның өзінде-ақ көмірсутегінің қышқылдану үдерістерін жыл­дамдататын ферменттердің, липид­тер­дің және белоктардың бел­сен­ді­лігін тежеп, оның орнын жігерлілік, жұмыс істеу қабілеті қалпына келушілік сезімі басады. Озон ұйқысыздықтан, күйзелістен және сонымен бірге созылмалы шаршаңқылық синдромынан айықтырады.
Экстракорпоральді гемотүзету бөлі­мін­дегі ерекше ем әдісінің тағы бірі – плаз­мо­ци­таферез. Мамандардың айтуынша, бұл тәсілдің тиімділігі мол.
Д.М.ҚАЛТАЕВА, жоғары санатты дәрігер:
– Плазмоцитаферез – экстра­кор­поральді гемо-қалпына келтірудің емдік мақсатпен қанда (плазмада) эндо­гендік және экзогендік ток­син­дердің, айналыста болатын иммундық кешендердің, аллергендердің, пато­ло­гиялық жат денелерді, холестеринді, қанның ұйығыштығы факторларын немесе пішінді элементтердің (эрит­ро­цит­тердің, тромбоциттердің, лей­ко­цит­тердің) қанығуын арылтуға немесе азайтуға негізделген әдіс. Плаз­мо­ци­та­фе­рез аллергиялық аурулар (асқынған және созылмалы есекжем, квинке ісінуі, маусымдық поллиноз, аллер­гия­лық дерматиттер, бронхылық астма), аутоиммундық аурулар (асқынған гло­мерулонефрит, ревматоидты артрит, жүйелі қызыл жегі, склеродермия, жүйелі васкулит және т.б.), ішкі мүше­лер­дің эндотоксикозбен (панкреатит, гепатит, холецистит, холангит және т.б.) қосарланған созылмалы және асқынған аурулары. Тері аурулары (экзема, нейродермит, теміреткілер және т.с.с.), зат алмасуының бұзылуы (гипер­хо­лестеринемия, подагра, порфирии және т.с.с.), тиреотоксикоз, аутоим­мун­дық тиреоидит, қант диабеті, жүкті әйелдердің резус – қиыншылықтары, эритроцитоз, тромбоцитоз, гипер­лей­ко­цитоз, кез келген себептен уыттану жағ­дайларында қолданылады.
«Мың естігеннен бір көрген артық» дейді халық даналығы. Сөзіміздің рас­ты­ғын білудің еш қиындығы жоқ. Ол үшін Совмин ауруханасына бас сұғу жеткілікті. Есіктен кірген сәтте-ақ тіркеу бөлімінде отырған мамандардың жылы шырайы мен жүректі жылытар сөзі-ақ дертіңді жеңіл­де­теді. «Дәрігер тек емімен ғана емес, сөзі­мен де дертке дауа береді» деген сөздің шындығына Совмин ауруханасына бар­ған­да өзіңіз куә боласыз.