Отбасылық сайыс тартысты өтті

Алматы қаласы Медеу ауданына қарасты №33 мектеп-лицейінде са­ла­уатты өмір салтын насихаттау және ата-ана мен мектеп арасындағы бай­ланысты нығайту мақсатында мектепішілік «Толағай» отбасылық сайысы болып өтті. Аталмыш мектепте бұл шара осымен үшінші рет дәс­түр­лі түрде өткізіліп келеді. Мектеп басшысы Роза Макежанова: «Әке, ана, бала ара­сындағы байланысты нығайту үшін, отбасы құндылығын берік ету үшін әрі мектеп оқушыларын татулыққа, ұйымшылдыққа, пат­риоттыққа тәрбиелеу үшін мұндай шараны өткізудің маңызы зор», – дейді.
Мектептегі 5-сыныптар арасында өткен спорттық сайыста балаларымен қосылып, олардың ата-аналары да қаппен секіру, ар­қан тартыс, кенгуру секілді түрлі сайыс түр­лерімен бақ сынасты.
Ғалия БЕКТҰРҒАНОВА, Алматы қаласы №33 мектеп-лицей директорының тәрбие ісі жөніндегі орынбасары:
– Негізі, мектептерде өтетін мұндай жа­рыс­тардың маңызы өте зор. Мәселен, «То­ла­ғай» отбасылық сайысы тек бір мақ­сат­пен ғана шектеліп қалмайды. «Отан отба­сы­нан басталады» демекші, кішкентай от­ба­сынан басталған ұйым­шылдық, ауыз­бірлік, татулық, айналып кел­генде, елдің, мем­лекеттің нығаюына алып келеді. Жал­пы, бізде ата-аналар­дың, оқушылар­дың қа­ты­суымен отбасы­лық сайыстар жиі өт­кі­зі­леді. Күзде, қыс­та, көктемгі кезеңдерде де түрлі додалар ұйымдастырылып тұрады. Тек спорт түр­лері бойынша емес, ән бай­қауы, ана мен қыз сыны т.б. да түрлі жа­рыс­тар өт­кізі­леді. Негізі, бала деген үйде бас­қаша жүрсе, ал мектепке келгенде тіп­тен бөлек болады. Тіпті кейде ата-аналар мек­тепке келіп, балаларының өнерлерін та­маша­лағанда таңғалып жатады. Бұл рет­те, әрине, балаға ең бірінші ата-ананың қол­дауы керек, егер әке-шеше мектепке ке­ліп, балаларының өнерлерін тамаша­лап, қошеметтеп, риза болып отырса, бұл ба­ла­ның мерейін өсіріп, өмірге, бі­лім­ге де­ген құштарлығын арттыратыны сөзсіз.
Роза МАКЕЖАНОВА, Алматы қаласы №33 мектеп-лицейдің директоры:
– Жасыратыны жоқ, қазіргі таңда ата-­ана­лар мектепке онша келмейтін бол­ды. Де­мек, бұл – ата-ана тарапынан ба­лаға көңіл аз бөлінеді деген сөз. Енді мы­на­дай сайыс­тарда ата-аналар өздері ба­ла­ларымен ті­ке­лей қатысатын бол­ған­дықтан, мектеп­тің өміріне шынайы ара­ла­сып, бала тәрбиесіне көп көңіл бөледі деп есептеймін. Бір жағы­нан, ата-ана мен баланың арасындағы бай­ланыс ны­ғая­ды, бір-біріне деген сүйіс­пеншілігі артады. Қазіргі балалар компью­терде көп уақытын өткізсе, ал ата-аналар кеш­ке дейін жұмыста жүреді. Демек, ара­да­ғы байланыс, қарым-қатынас көңіл қуан­тар­лық деңгейде емес. Ал мынадай жарыс­тарда отбасы біріге отырып, түрлі ке­дер­гі­лерден бірлесіп өтіп, бір-біріне де­ген ықы­ластары артады. Негізі, мектеп – баланың екінші үйі, ал кез келген үй төрт қабырғадан тұрады. Бір қабырғасы мек­теп пен бала болса, екінші қабырғасы– ата-ана, үшін­шісі – мұғалім, ал төртіншісі – мек­теп әкім­ші­лігі. Егер осы қабырға­ның біріне сызат түссе, онда шаңырақ құ­лай­ды. Ал төрт қа­бырғамыз бүтін, тереземіз тең бо­лып тұр­са, шаңырағымыз шайқал­майды деп есеп­теймін. Сондық­тан ша­ңы­рағымыз­дың бе­кем­дігі үшін салауатты өмір салтын наси­хаттап, оқу­шы, ата-ана, және мектеп ара­сын­дағы байланысты нығайтып отыр­мыз.
Жалпы, ептілік пен күштілік, шапшаң­дық пен алғырлық додаға түскен сайысқа «Бірлік», «Жас ұлан», «Тұлпар» деген топ­тар­дан құралған үш отбасы қатысты. Қай топ болмасын, жеңіске жету жолында на­мысқа тырысып, өздерінің мықтылығын дәлелдеу үшін барын салып, көрермен­дерге көтеріңкі көңіл күй сыйлады. Же­ңімпаз отбасылар бағалы сыйлықтармен, Мақтау қағаздарымен марапатталды.