Күйеуі әйелін досымен жыныстық қатынасқа түсуге мәжбүрлеген
Қарағандыда күйеуі жүкті әйелін бірнеше күн бойы қатты соққыға жығып, досымен жыныстық қатынасқа түсуге мәжбүрлеген. Прокурор сотталушыны бір жыл алты айға бас бостандығынан айыруды сұрады, іс бойынша үкім 31 қаңтарда жарияланады, - деп хабарлайды Alashainasy.kz тілшісі Оrda.kz-ке сілтеме жасап.
Құқық қорғаушы Дина Таңсәрінің айтуынша, өткен жылдың 11 қазанында жәбірленушінің әпкесі қорға өтініш білдірген. Күйеуі бір күн бойы әпкесін досының көзінше түтікпен ұрып, тепкілеп, қарғап жүргені белгілі болды. Осыдан кейін оны басқа біреудің пәтеріне апарып, досымен жыныстық қатынасқа түсуге мәжбүрлеген. Ол кезде әйел жүкті болған, бүкіл денесі көгерген.
Оқиғаға қатысты ҚР Қылмыстық кодексінің 107-бабы «Денсаулыққа қасақана ауырлығы орташа зиян келтіру» бойынша тергелуде. Іске жәбірленушінің бұрын сотталған күйеуі ғана қатысты. Болған оқиғаның қатысушысы болғанымен досына еш айып тағылмады.
Төлеген Тамабековті (жәбірленушінің күйеуі) прокурор тек бір жыл алты айға бас бостандығынан айыруды сұрады.
Таңсәрінің жазуынша, сотталушы өкінетінін айтса да, бұрынғы әйелінен кешірім сұрамаған. Сондай-ақ, ол сотта бұрынғы әйелі мен нәрестені өлтіремін деп қорқытқанына өкінетінін мәлімдеді.
«2023 жылдың 30 қаңтарында кезекті сот отырысы өтіп, онда қылмыскерге соңғы сөз берілді. Ол өз ісіне қатты өкінетінін судьяға сендіруге тырысып, жүрекжарды сөз сөйледі. Бірақ, неге екені белгісіз, ол полицияда және сотта ғана өкініп, кешірім сұрайды. Осы уақыт ішінде ол жәбірленушіге тек сатқындық жасап, оны және сәбиін өлтіремін деп қорқытты. Оның үстіне ол ішкі істер басқармасының ғимаратында төбелес шығарып, жәбірленушіні қорқытқан. Сөзбе-сөз айтқанда: «Арызыңды қайтып ал, әйтпесе одан да жаман болады. Бәрі бітті де, мені босатса (яғни, жіберетініне сенімді), сені де, балаңды да тауып аламын да бауыздаймын» деп ишара жасады. Кешірім сұрамақ түгілі, бір ай бұрын ғана оны өлтіремін деп қорқытса, қандай өкініш туралы айтуға болады» деп жазды қор құрылтайшысы.
Үкім 31 қаңтарда Қарағанды сотында шығады.
