Кімдерге өмір бойы жәрдемақы төленетіні белгілі болды
Елімізде көпбалалы аналарға төленетін жәрдемақы ұлғаяды. Бұл туралы ҚР Еңбек және халықты әлеуметтік қорғау вице-министрі Ербол Оспанов Орталық коммуникациялар қызметінде өткен брифингте айтты, деп хабарлайды Azattyq Ruhy.
«Алтын алқа» және «Күміс алқамен» марапатталған көпбалалы аналардың мәртебесі үшін төленетін жәрдемақы өмір бойы ай сайын төленеді. Бүгінгі таңда бұл жәрдемақыны 230 мыңнан астам ана алып отыр. Ол үшін республикалық бюджеттен 60 млрд теңгеден артық қаражат қаралған. Осы жылдың 1 шілдесінен бастап Әлеуметтік кодекспен «марапатталған аналар» ұғымы енгізіліп отыр. Бұл мәртебе көпбалалы аналардың еңбегін құрметтеу және мойындау ретінде өмір бойы «Күміс алқа», «Алтын алқа», «Батыр ана», «Ана даңқы» ордендерімен марапатталған әйелдерге беріледі», - деді Оспанов.
Ол атағандай, 6-7 бала туып, тәрбиелеген аналардың қаражаты көрсетілген.
«7 бала тәрбиелеп отырған аналарға 1 шілдеден бастап жәрдемақы мөлшері 7,4 айлық есептік көрсеткішке ұлғайып отыр. Яғни, биылдан бастап 25530 теңгеге тең», - деді ол.
