Ішкі істер министрлігінің ресми өкілі Ақтоты Боранова электр самокат пайдаланушылары үшін әзірленіп жатқан жаңа шектеулер пакеті туралы айтты, - деп хабарлайды Alashainasy.kz тілшісі Zakon.kz-ке сілтеме жасап.
7 тамызда өткен брифингте Ішкі істер министрлігінің ресми өкілі Ақтоты Боранова министрлікте "Электр самокаттар және оларды жолдарда пайдалану кезіндегі әрекеттер алгоритмі" тақырыбында жиын өткенін айтты. Жиынға қатысушылар электр самокаттарға жаңа шектеулер енгізуді ұсынды.
АҚТОТЫ БОРАНОВА, Ішкі істер министрлігінің ресми өкілі:
– Сонымен қатар мобильді қосымшалар арқылы енгізілген шектеулер туралы пайдаланушыларды хабардар ету ұсынылды. Бұл қосымшаларда самокатты арнайы белгіленген орындарға орналастырмайынша, сапар аяқталды деп есептелмейді. Олар электр самокатты жарықтандырылмаған жерлерде, саяжай жолдарында және кәмелетке толмағандардың пайдалануына тыйым салуды енгізуді ұсынды. Самокатты кәмелетке толмағандар пайдаланбауы үшін салмақ санаттарына тыйым салу ұсынылды. Сонда самокатқа салмағы 30 келі және одан жоғары адам міне алады.
Сонымен қатар Ішкі істер министрлігі тәртіп бұзушыларды қамтитын электр самокаттардың "қара тізімін" жасауды жоспарлап отыр.
"Кикшеринг компаниялары нашар клиенттердің жалпы тізімін құруды ұсынды. Мұндай пайдаланушылар үшін бір уақытта барлық компания өз қызметін ұсынбайды" – деп мәлімдеді Ақтоты Боранова
"Қара тізімге" мысалы, жол ережесін бұзған, жолаушылар мен жүктерді тасымалдау ережелерін сақтамайтын немесе самокатты жолаушылар тасымалына жол бермейтін жерлерде қалдырғандарды енгізгісі келеді.
Мемлекет басшысы 2023 жылғы 29 маусымда "Кейбір заңнамалық актілерге жол жүрісін ұйымдастыру мәселелері бойынша өзгерістер мен толықтырулар енгізу туралы" Қазақстан Республикасының Заңына қол қойды. Бұл заң электр самокат жүргізушілеріне айыппұлдар мен олар үшін бірқатар жаңа ережелер мен шектеулерді енгізеді. Заң 30 тамызда күшіне енеді.
Соңғы сағатта көп оқылған жаңалықтар осында Massaget.kz