Елімізде жалаңаш күйінде массаж жасайтын қыздардың дәурені жүріп тұр
Еліміздегі қоғам белсенділері жезөкшелердің жұмысын заңдастыруды ұсынды. Жезөкшелікті заңдастыру арқылы секс құлдықтың алдын алуға болады. Бұл туралы 31 арнаға сілтеме жасаған NUR.KZ хабарлайды.
Бүгінде тәнін саудалайтындар тек қана көше бойында немесе интернетте тұрған жоқ. Массаж салондары да жеңіл жүрісті қыздардың табысын еселеп отыр. Spa процедуралар мен body-массаж еркектер жиі қолданатын демалыс түрі болып есептеледі.
"Массаж салондарының қандай болу керектігін білесіз бе? Салондарда арнайы құрылғылар мен білікті мамандар болуы тиіс. Ал мұнда екі адам жататын төсек орын мен тәжірибесіз қыздар ғана жүр. Олар айына 300 мыңға дейін пайда табады. Ал дәрігерлер 65 мың теңге жалақыны қанағат етуге мәжбүр", - дейді блогер Аида Жексенова.
Бүгінгі таңда Қазақстанда қыздардың жалаңаштануы арқылы жасалатын боди массаждар кеңінен таралып жатыр. Алайда, мұндай ұйымдар қандай да бір интимдік қызмет ұсынатынын жоққа шығарып отыр.
Депутат Айгүл Соловьева жезөкшелердің ісін заңдастыруды сұрап отыр. Оның ойынша, бұл бірінші кезекте олардың денсаулығы үшін керек. Содан соң, мемлекеттік қазынаға түсетін салық саны да көбейеді.
