Ел назарында егіздер байқауы

Жуырда Тараз қаласындағы Мәдениет үйінде ерекше байқау болып өтті. Егіздер шеруінің елді елең еткізгені рас. Бірінен-бірі аумайтын егіздердің ара­сында өткізілген байқау, шынында да, көп­шіліктің қызығушылығын тудырды. Атал­мыш байқауға 4-16 жас аралығын­да­ғы егіздер іріктеп алынды.
Байқауда бағын сынауға 50 егіз тілек білдіріпті. Оған облыстың түкпір- түкпірінен келген үміткерлер қатысты. Ерекше егіздер арасында өткен байқау өте тартысты өтті. Олар ән айтып, би билеп, өлең оқып, му­зы­калық аспапта ойнап, өздерін барлық қы­рынан көрсетуге тырысты. Бірінен-бірі өткен дарынды балалардың байқауын тама­шалауға келгендерде есеп болмады. Өткен жылы Жамбыл облысында 420 егіз және тоғыз үшем дүниеге келіпті. Олардың барлығы да бүгінде дені сау, аман-есен өсіп келеді. Бұл байқау Жамбыл облыстық әкімдігі жанындағы әйелдер және демо­графиялық саясат комиссиясының ұйытқы болуымен өтті. Ұйымдастырушылар алда­ғы уақытта егіздер арасындағы ерекше бай­қауды жыл сайын өткізбек ниетте.