"Қазгидромет" РМК 2 шілдеде Батыс Қазақстан облысында найзағай ойнап, бұршақ түседі деп болжаған еді. Синоптиктер қателеспеді, бүгін түсте Ақсай қаласында күн күркіреп, найзағай ойнап, нөсер жаңбырмен бірге бұршақ жауды, - деп хабарлайды Alashainasy.kz тілшісі Zakon.kz-ке сілтеме жасап.
"Найзағай қаланың ескі бөлігінен жарқылдап басталып, содан соң оңтүстікке және ықшам аудандарға қарай ойысты. Нөсер жаңбыр шелектеп құйып, арасында бұршақ түсті", - деп "Мой город" басылымы қала тұрғындарының сөзін келтіреді.
Бұршақ қияр, асқабақ сынды көк-сөктің жапырақтарын жапырып өткен.