Токиодағы әмбебап дүкендердің бірінде адам кейіпті сатушы әйел-робот жұмыс жасайтын болады.
Бұл туралы epochtimes.ru хабарлады.
Сатушыға Аико Чихира деген есім де беріліп қойылды. Бір қызығы, бұл роботты жасау кезінде инженерлер оның қарым-қатынас дағдыларына емес, кескін-келбетіне көбірек көңіл бөліпті. Соның арқасында ол тірі әйелге ұқсайды.
Аико кірпіктерін қағып, басын шұлғып, сөйлеу барысында еріндерін жыбырлата алады. Мұнымен қоса, ол көңіл-күй эмоцияларын көрсетіп, түрін өзгерте алады. Ол сатып алушылармен жапон тілінде сөйлеседі. Робот-сатушы сұрақтарға жауап бере алмаса да, тауарлар мен акциялар туралы айтып береді.
Дайындаған: Г.Абилова