Жақында ресейлік құқық қорғау қызметкерлері Мәскеу қаласында заңсыз орналасқан шаштараздағы сұмдық жағдайды әшкереледі. Онда тек ер азаматтарға арналған шаштараз тұтынушыларына жас қыздер жыныстық қызмет көрсеткен. Бұл туралы «Қамшы» порталы Россия 24 арнасына сілтеме жасай отырып хабарлайды.
Шаштараз Мәскеу қаласының қақ ортасындағы «Белорусская» метросы бекетінің төнелінде орналасқан. Ресми құжаттар бойынша мекеме қарапайым шаштараз деп бекітілгенімен, онда келген клиенттердің шашын қысқартушы жап-жас қыздар тыр жалаңаш күйінде қызмет көрсетіп келген. Кейін анықталғандай, шаштараз қыздар клиент қосымша ақша төлеген жағдайда жыныстық қатынасқа да түсе беретін болған.
Шаштараздың мұндай түрін жасырын видеоға түсіріп алған жергілікті тұрғын бұл туралы полицияға хабарлаған. Сондай-ақ, аталмыш мекемеге шаштараз ғимаратына қарама-қарсы орналасқан «аутизмге шалдыққан балаларды сауықтыру» орталығы дәрігерлернен бірнеше шағым түскен.
YouTube желісіндегі бұл видеоға қатысты түрлі пікірлер айтылуда. Алғашында бұл мекемені аутист-балаларды сауықтыру орталығының дәрігерлері байқаған.
«Бұл мекеме жергілікті тұрғындар арасында кең танымалдылыққа ие болып, шаштараз алды ұзын-сонар кезекке толып қалады. Мұнда көбінесе ішімдікке сылқия тойып алғандар келеді. Тіпті, орталық қызметкерлері аутист-балалармен серуенге шығуға қорқатын болды. Кейде, шаштараздың мас клиенттері есіктерді шатастырып, орталыққа кіріп кетеді. Бұл бірнеше мәрте қайталанған соң, біз полицияға шағым жаздық,-дейді дәрігерлер.
Қазір жергілікті құқық қорғау қызметкерлері Мәскеудегі эротикалық жанрда қызмет көрсететін шаштаразды жауып, тергеу жұмыстарын жүргізуде. Мәссаған, мұндайда болады екен!
qamshy.kz