Сербияда тағы атыс: 8 адам қаза тауып, 13-і жарақат алды
Сербиялық Младеновак қауымдастығындағы атыс салдарынан сегіз адам қаза тауып, тағы 13 адам зардап шекті, - деп хабарлайды Alashainasy.kz тілшісі Аzattyq-ruhy.kz-ке сілтеме жасап.
Бұл туралы Novosti хабарлайды.
Белгілі болғандай, жеті адам ауыр жағдайда. Алдын ала мәліметтер бойынша, күдікті 21 жастағы жергілікті тұрғын, оны полиция қоршауға алып, келіссөздер жүргізуге тырысты. Жарияланымдағы бейресми ақпаратқа сәйкес, атыс жанжал аясында туындаған болуы мүмкін.
Оқиға орнында полицияның арнайы бөлімшелері жұмыс істейді.
Айта кетейік, бірнеше күн бұрын жетінші сынып оқушысы Сербия астанасындағы мектептердің бірінде қарудан оқ атқан. Полицияның мәліметінше, сегіз оқушы мен мектеп күзетшісі қаза тапқан. Тағы алты бала мен мұғалім жарақат алып, жедел жәрдем орталығына жеткізілді.
Бұған дейін, 10 Сәуірде, 23 жастағы Коннор Стерген Луисвиллдің орталығындағы ескі Ұлттық Банк маңында атыс ұйымдастырған. Жас жігіт осы банктің қызметкері болған. Полицияның мәліметінше, Стерген AR-15 мылтығымен қаруланған. Ол кезде бес адам қаза тауып, алтауы жарақат алды.
