Қытай коронавирус туралы толық мағлұмат берді
Қытай халықаралық сарапшыларға коронавирус жөнінде толық мәлімет берді, - деп хабарлайды Alashainasy.kz тілшісі 24.kz-ке сілтеме жасап.
Осылайша ресми Бейжің жақында Дүниежүзілік денсаулық сақтау ұйымының өкілі Мария Вон Керкхове мақаласындағы «Қытай пандамияның басталу себебі жайында ешқандай дерек келтірген жоқ» деген ақпаратты жоққа шығарды. Қытай тарапы бұл бағыттағы зерттеулер әлі жалғасып жатыр дейді.
Бейжіңнің ұстанымы бойынша, вирус жануардан, адамға жұққан.
Ал Уханьдағы зертханадан тарады деген жорамалға дәлел өте аз дейді қытай өкілдері. Сондықтан олар пандемияның басталу себебін Қытайдан басқа, өзге өңірден де іздеу қажет деп санайды.
Естеріңізде болса, "Ковид-19" вирусы алғаш рет Ухань қаласындағы жабайы жануарлар сатылған "Хуанань" базарынан анықталған еді.
Чжоу Лэй, ауруларды бақылау және олардың алдын алу орталығының ғылыми қызметкері:
- Тарихта біз жұқпалы аурулармен бірнеше мәрте бетпе-бет келгенбіз. Мысалы, АИТВ пайда болғаннан кейін оның шығу тегі туралы кейбір ақапартты 10 жылдан соң ғана білдік. 1970 жылдан бастап таралған "Эбола" індеті туралы әлі толық білмейміз. Коронавирустың шыққанына 3 жылдан асты. Әлі көп жұмыс істелу керек. Бұрынғы зерттеулер вирустың таралу және шығу орындары бөлек болуы мүмкін екенін дәлелдеген. Бұған ғылыми көзқарас қажет. Әлемнің барлық ғалымдары бірлесе жұмыс істегені абзал. Денсаулық сақтау ұйымының да рөлі өте маңызды. Негізсіз мәлімдемелер жасау бұл ұйымның беделіне нұқсан келтіреді және бірлескен зерттеуге зиянын тигізеді деп есептеймін.
