Қырғызстан президенті ұлына қатысты даулы мәселеге пікір берді
Қырғызстан президенті Садыр Жапаров ұлы Рустам Ыстықкөл жағасындағы ауқымды спорт кешенінің құрылысын бақылайтынын растады, - деп хабарлайды Alashainasy.kz. Бұл туралы Kznews.kz тілшісі 24.kg басылымына сілтеме жасап жазды.
Бұған дейін қырғыздың «ПолитКлиника» басылымы Ыстықкөл жағасында салынып жатқан нысандарға қатысты зерттеу материалын жариялаған болатын. Онда Ұлттық қауіпсіздік комитетінің «Аврора плюс» пансионатындағы ұлттандырылған коттедждерді мемлекет меншігінен шығару фактісі бойынша қылмыстық іс қозғағаны айтылған. Іске бірнеше адам қатысты, оның ішінде SK-development басшысы Алексей Конев те бар. Күдікті елден шықпау туралы жазбаша міндеттеме алғанымен, елден кеткен және компаниядағы өз үлесін ел президентінің ұлы Рустам Жапаровтың досы Елдос Үсенбековке 500 сомға сатып жіберген.
Бұл компания, Ыстықкөлде 68 гектар жерге бес жұлдызды қонақүй, виллалар, коттедждер мен гольф клубы орналасатын көпфункционалды кешен салып жатыр. «ПолитКлиника» бұл жерде мәміле болды деп күдіктенеді, сондықтан Конев түрмеден құтылу үшін өз мүлкін тегін беруге мәжбүр болды.
Президент Садыр Жапаров бұл істі жарты жыл бұрын тексергенін атап өтті. Оның айтуынша, қашып кеткен кәсіпкер банктен 3 миллион доллар қарыз алып, қайтармаған. Ол «SK-development» компаниясы гольф-клуб салу конкурсында 92 гектар жерді жеңіп алғанын атап өтті.
«Мен осы төңіректегі жағдайды тексеруге адам жібердім және оның тағдыры Жоғарғы Нарын ГЭС каскадының тарихын қайталай жаздағанын білдім. Құнды жасанды түрде 10 есеге арттырып, нысан құрылысын бастадық, Біз оны тоқтаттық. Осылай қалса 1 миллион долларға ғимарат салып, кейін 10 миллион долларға салдық деп жалған сома сұрайтын еді. Сонда бұл сома мемлекеттің мойнына ілінетін еді. Қазір Ресейге 40 миллионнан астам қарызымыз бар. Халықаралық сотта жеңіліс тапты. Қошкөл ауылындағы 92 гектар жерді жоғалтып алмау үшін Рустамды (ұлым – ескертпе) жіберіп, бақылауға алуды айттым. Ол құрылыс біткенше бағаны бақылайтын болады», — деді Садыр Жапаров.
Жапаровтың айтуынша, оның ұлы қазір инвесторларды тартып жатыр.
«Бір адам инвестиция салды деген ақпарат бар. Тағы да қолыңнан келсе елге инвестор тарт, өзгені таңдауды доғар. Қырғыздың кейбір байлары сияқты шет елдерде зауыт, фабрикалар салма, Қырғызстанда сал. Әсіресе өзіміздің кәсіпкерлерге жүгінемін. Жер учаскелері көп. Қатысыңыздар», — деді Садыр Жапаров.
Соңғы сағатта көп оқылған жаңалықтар осында Massaget.kz
