Цифрлы қабірге сұраныс артып келеді
Адамзат санының көбеюі мен урбанизация және жер тапшылығына, сондай-ақ, экологиялық мәселелерге байланысты дүниеден озған адам мәйітін жер қойнына тапсырудың орнын қымбатқа түсетін инфрақұрылымды қажет етпейтін әрі қоршаған ортаға зиянсыз кремация, жасыл жерлеу, т.б. ақтық сапарға шығарып салу түрлері алмастыруда, - деп хабарлайды Alashainasy.kz. Бұл туралы Іslam.kz тілшісі Business Insider ақпарат көзіне сілтеме жасап жазды.
Халық саны көп Қытайда жерлеу цифрлы әлемге көшуде. Қаза болған адамның күлі өмірбаяны пен өзге де деректері қамтылған, фотосы мен видеосын да табуға болатын экраны бар қорапқа салынады.
2023 жылдың бас кезінен бері Бейжің қаласында мұндай цифрлы әлемнен 500-ден аса «жер телімі» сатылған екен. Бұл тараптағы сұраныс күннен күнге артып келеді.
Диджитал мола деп аталатын жобаға сұраныстың артуын әдеттегі жерлеу рәсіміне қарағанда бірнеше есе арзанға түсетіндігімен түсіндіруге болады.
Британиялық SunLife өмірді сақтандыру компаниясының келтірген мәліметіне қарағанда, дәстүрлі қытай жерлеу рәсіміне шамамен 5400 доллар кетеді. Яғни, әр қытай азаматының жылдық орташа табысының 45%-нан асатын қаражат.
Ел астанасындағы жерлеу тарифтері әлдеқайда жоғары. Мысалы, Бейжіңдегі Тайшы зиратындағы цифрлық жерлеу құны 7700 доллардан асады, бұл көрсеткіш сол аймақта ашық аспан астында жерлеу құнының үштен бір бөлігін ғана құрайды.
Цифрлы молa жер тапшылығын болдырмайды.
Соңғы сағатта көп оқылған жаңалықтар осында Massaget.kz
