Ақсүйектер драмасы: Гарри ханзада автобиографиялық кітабын «Қосалқы» деп атады
Гарри ханзаданың 2023 жылдың 10 қаңтарында жарық көретін өмірбаяндық мемуарының сенсациялық мұқабасы жарық көрді. Фотосуретте оқырмандар герцогтың портретін көре алады: кадрды ханзада мен жұбайының жеке фотографы Рамона Росалес түсірген.
Кітаптың атауына келетін болсақ, Гарри мен баспагерлер мұқабаға қысқаша ғана «Қосалқы» (ағылшын тілінен. spare) сөзін қоюды ұйғарды, бұл сөздің түп-тамыры ағылшынның ескі мақалымен байланысты. Британиялықтарда Heir and Spare («мұрагер мен қосалқы») деген сөз бар. Яғни, монарх қайтыс болған жағдайда билікке ие бола алатын мұрагер және туған ағасы/қарындасы болуы керек. Тікелей таққа отыратын адамның туған бауыры биліктің сол әулетте қалуы үшін маңызды «құрал» іспетті.
Мысалы, билікті Чарльздан кейін Уильям алады, оған бірдеңе болып қалған жағдайда тақ Гарриге өтер еді. Ол үнемі екінші болды. Бірақ қазір Уильям мен Кейт Миддлтонның Георг есімді ұлы таққа үміткер ретінде Гарридің алдына түседі.
Мұрагерлердің көп болуы да оңай емес. Себебі кезіндегі "Ақ және қызыл раушан соғысы" осының салдарынан болған.
