Қостанай облыстық психдиспансердің бас дәрігері мен қызметкерлері сотталды
![Қостанай облыстық психдиспансердің бас дәрігері мен қызметкерлері сотталды](/image/stub.png)
Қостанай облыстық психдиспансердің бас дәрігері мен қызметкерлері сотталды, - деп хабарлайды Alashainasy.kz тілшісі Halyq Uni.kz-ке сілтеме.
Қостанай қаласының №2 сотында өз өкілеттіктерін асыра пайдаланып, жалған құжат жасағаны үшін «Қостанай облыстық психикалық денсаулық орталығы» КМК-нің бас дәрігеріне, нарколог-дәрігерлеріне және клиника-диагностикалық зертханасының маманына қатысты қылмыстық іс қаралды.
Сотта анықталғандай, сотталушы бас дәрігер өзіне бағынысты қызметкерлерінің хаттамасынан сараптама нәтижесін біле тұра, мас халде көлік басқарған жүргізушіні әкімшілік жауапкершіліктен босату үшін нарколог-дәрігерлерге куәландыру қорытындысын өзгерту туралы нұсқау берген.
Сотталушылар кінәсін мойындап, істеген әрекеттеріне өкінді. Сот жазаны тағайындау кезінде сотталушылардың жауаптылығы мен жазасын жеңілдететін мән-жайлар ретінде шын өкіну, оң мінездемелері мен жас балаларының болуын таныды. Қылмыстық жауаптылық пен жазаны ауырлататын мән-жайларды сот анықтаған жоқ.
Іс жүргізу келісімінің шарттарына сәйкес, сондай-ақ жасалған қылмыстардың сипаты мен қоғамдық қауіптілік дәрежесін ескеріп және ҚР ҚК 55-бабының 3-бөлігінің талаптарын сақтай отырып, сот бас дәрігерге ҚР ҚК 58-бабының 2-бөлімін қолданып, жасалған қылмыстық құқықбұзушылықтардың жиынтығы бойынша түпкілікті 2 жыл бас бостандығын шектеу түрінде жаза тағайындады. Сондай-ақ ол белгілі бір лауазымдарды атқару немесе белгілі бір қызметпен айналысу құқығынан өмір бойына айырылды.
Нарколог-дәрігерлерге жазаны өтеудің барлық мерзіміне пробациялық бақылау белгілеумен және ҚР ҚК-нің 44-бабында көзделген міндеттерді жүктеумен, 1 жыл 6 ай бас бостандығын шектеу түрінде жаза тағайындады. Ал зертхана маманына жазаны өтеудің барлық мерзіміне пробациялық бақылау белгілеумен және ҚР ҚК-нің 44-бабында көзделген міндеттерді жүктеумен, 1 жыл бас бостандығын шектеу түрінде үкім шығарды.
Үкім заңды күшіне енген жоқ.
![Футбольный клуб 'Кайрат' столкнется с сильными соперниками на турнире в Катаре](/storage/news/news_8/content/77ba922a7153e69614c2696d03df2247.jpeg)
![Фанаты "Барыса" получили негативные известия](/storage/news/news_9/content/894e85af4a81fee5581284b173d8de7b.png)
![GTA VI впервые покажут уже в декабре](/storage/news/news_10/content/0f3617646441be5001798ee92b7f5304.jpg)
![Дану Уайта угостили куртом в Нью-Йорке](/storage/news/news_11/content/6b8f066a857c9b077df125a9f335fd1a.jpg)
!["Золото в серебре" : 16-летняя казахстанская спортсменка дважды победила на чемпионате мира по джиу-джитсу](/storage/news/news_12/content/436157d8a12238a4b7bb912aebc1bb8e.jpg)
![Димаш Кудайберген обратился к сборной Казахстана по футболу](/storage/news/news_13/content/bc8a6eae0f23d162f30b91a3d7c47f59.png)