Төсекте тояттамай жүрген келіншек мұңын шақты

Бес жыл бұрын отбасын құрған келіншек күйеуінен жылулық көргенімен, төсек ләзатына тояттамай жүргенін сөз етті. Айтуынша, жұбайы жұмыстан шаршап келгендіктен жыныстық қатынаспен айналысуға ерінеді деп хабарлайды KAZ.NUR.KZ.

Бұл туралы келіншек Instagram-дағы zhenskaya_blogika парақшасында жазды.

Айтуынша, ер адам әйеліне барынша көңіл бөліп, оған сезімін білдіруден жалықпайды. Алайда отбасындағы жыныстық қатынас мәселесі келіншектің көңілінен шықпай, оны алаңдатып отыр екен.

"Жазда отбасы құрғаныма бес жыл болмақ. Күйеуім менен 6 жасқа үлкен. Мен 25-темін, ол 31-де. Ортақ баламыз да бар. Бақыттымын. Отбасымызда жылулық, үйлесімділік бар. Күйеуіммен бір арнадамыз. Бір-бірімізді жақсы түсінеміз. Алайда төсек қатынасы мәселесіне келген кезде түсініспеушіліктер болады. Жыныстық қатынаспен тек айына екі рет айналысуымыз мүмкін", - дейді ол.

Әйел бірнеше рет күйеуімен ашық сөйлескенін, мәселені шешуге тырысқанымен түк шықпағанын сөз етті.

"Жұбайыммен бұл туралы сөйлескен едік, ол жақындасуға ерінетінін, жай ғана құшақтасып жатқысы келетінін айтты. Ал маған бұл жеткіліксіз. Тіпті, романтикалық кеш жасап та көрдім. Бірақ ол жұмыстан келе сала мені мазақ ете бастады. Шетелдің киноларын көп көріп қойғансың деді. Әрине, осыдан кейін бетім қайтып кетті. Ол менің көзіме шөп салып жүр деп ойламаймын. Оның сезімі барын білемін, сеземін. Дегенмен неге бұлай істейтінін білмеймін. Баламыз дүниеге келгеннен кейін өзгеріп кетті", - дейді ол.