Бір үйдің жалғыз қызымын. Менен кейін жалғыз бауырым бар. Ата анам бізді елдің алды етіп өсірді. Əсіресе мен. Ешбір қыз мені ұнатпайтын. Меніңше тəкəппарлығымнан.
Ата анам беделді кісілер болды. Үнемі қызмет бабымен алыс жақын елдерде сапарда жүретін. Ол кезде мен мектеп оқушысымын. Бірақ үйде жалғыз қалсақта еш қайда қаңғырмайтынмын. Өйткені ауылдасыма қатты ғашық едім.
Ол да...Он менімен құрдас. Бала махаббат қой. Бірақ киген киімін, жүрген жүрісін көріп бірден онымен сөйлескім келмей қалатын.
Мен есік алдының шөбін жұлып көрген қыз емеспін. Нашарлау тұратын ауылдың келіншектері кеп жинап, шөптерін жұлып бергені үшін ақшасын төлейтінбіз. Мінезім өте нашар. Əптен ата анамның менің айтқанымды істеп шыр көбелек жүгіргендеріне үйреніп қалғанмын. Бірақ мектепте үздік едім. Жақсы оқитынмын сабақты.
Білім грантын ұтып алып Астанаға оқуға кеттім. Тəкəппəр, қырсық мінезіммен жоғары оқу орнында да ешқандай қызбен құрбы бола алмадым. Тек жалғыз группаласыммен сөзіміз жарасты. Мүмкін жерлес болғандықтан. Сабағымды өте жақсы оқыдым. Соңымнан жүрген жігіттер өте көп болды. Жүрдім де, сүйістім де... Бірақ қырсық мінезім жігіттерге ұнайтын. Болмашы нәрсеге тартысып сөз таласып қалсақ мен қырсық қарамай, жалынған сайын қырсығып, кешірмей кетіп қалатынмын. Талайы жылап соңымнан ерді. Мен болсам кешірмедім.
Əттең солардың көз жасы шығар менің бақытсыздығым... Маған тек мені еркелетіп, менің айтқаныма көне беретін жігіт ұнайтын сыңайлы сол кездерде.
Солай жасым 24 ке келгенде таңдай таңдай тазыға жолықтым. Бұл өмір маған Алланың берген сынағы болар бəлкім. Мен тұрмысқа шықтым. Ешкім зорлаған жоқ. Құлақпен сүйіп қалдым. Тəтті сөздер мен бағалы сыйлықтарға ұштым.
Өзімнен 4 жас үлкен жігіт мені қарамағына түсірді. Беделді жұмыста органда істейтінмін ол кезде. Солай пəк қыз болып ұзатылдым.
Барған жерім кәдімгі ауыл. Мен өмірімде ошаққа тамақ істеуге болатынын, ыстық нанды үйге жабуға болатынын сол үйде көрдім алғаш рет.
Бірақ барған күннен-ақ жігітімнен көңілім қалды. Өйткені ол маған көңіл бөлмеді. Ақ төсекте мені аялап өппеді...Мен ыстық құшақты, махаббатты сезіне алмадым. Мен ол үйге жай ғана қызметші сыңайлы барған сияқты едім. Қолмен кір жууды, газге су жылытып, үйдің ішінде шомылуды үйрендім. Үйде сиыр сауып, құрт жасауды да. Мен бəрін үйрендім. Көндім. Бірақ махаббатты сезіне алмадым.
Жолдасым жұмысының ауысуына байланысты Астанаға кеттік. Ол жақтан ең арзан деген пәтерді əрең тауып орналастық. Менің жұмысқа орналасуымда оңай болмады. Жалақым өте аз. Жолдасым той жасаймын деп несие алған екен. Соны төлеп, пəтер ақыны төлеп қалған ақшаны үйге тамағымызға жеткізуді де өмір үйретті. Ақшаның қадірін білдім. Нанның қадірін білдім. Көзім ашылды.
Бірақ ата анама ешқашан білдірген емеспін қиналғанымды. Айтсам ата анамның маған үй алып беруге қауқары жетіп тұр. Жолдасым мінезі ашық жарқын. Маған бір қабағын шытқан емес. Не айтсам соны орындап жүгіріп жүреді. Ол да үйінің кішкентайы. Алдында 2 əпкесі,бір ағасы бар. Мен ауырсам қасымнан табылады. Бірақ мен оны сүймеймін.
Бізде төсек қатынасы жоқ деп айтуға да болатын еді. Бір бірімізге деген ынтықтық жоқ еді. Күліп ойнап тамақ жеп боламыз бірақ төсекке жатқанда екеуміз екі жақ қарай жатамыз. Əріптес құрбыларым күнде куйеулерімен қалай қосылғанын айтса сүйсінетінмін. Неге бізде жоқ екен деп ойлаймын. Жолдасыма айтсам жұмыстан шыға сала саған ынтығып келем де сені көрсем сенімен болғым келмей қалады дейтін. Ол сөзді маған есіту өте ауыр еді. Мен қанша əсемденсем де қанша киінсемде ол менімен болғысы келмейтін. Бірақ ешкіммен де жүрмейді. Түзу барып жұмысынан уақытылы қайтатын. Бір тойға немесе отырысқа барсақ үнемі мені əдемі етіп ертіп алатын. Міне менің келіншегім деп мақтанатын.
Жолдастарының келін шектерінің бəрі 2-3 баладан туғасын ба əбіржіп, шаршап қалған. Достары маған үнемі қызығатын. Бірақ мен қанша əдемі болып жүрсем де әйел ана бақытын сезіне алмадым. Соңғы кездері көп ұрсатын болдық. Мен жылап алатынмын неге баламыз болмайды деп. Ол ішпейді, шекпейді. Мінезі жап жақсы. Тек бала мінезі бар еді. Отырған жерде үнемі түртіп аяғын шымшып отыратынмын. Тексеріліпте көрдік менде бəрі жақсы, еш кінәрат жоқ.
Бірақ жолдасымды өте көп емдеу керектігін айтты врачтар. 3 жылдан аса емделді. Нəтиже жоқ. Үнемі ұрысып қалсақ ол маған тіпті қарамайтын. Мен де сол. Біз бірімізден қатты суып кеттік. Аяғы мен шаршағанымды оны сүймейтінімді, кеткім келетінін айттым.Ол мені жұбатудың орнына өзі шығарып салды.Мен солай төркініме қайта келдім 3 жарым жыл дегенде...
Əкем де анам да құшағын жая қарсы алды. Қызым сенің қайтып келеріңді сезген едік деп өксіп-өксіп жылап алды. Іштей іштері күйіп жатқанын сездім. Ата анамның қасында қандай бақыт жүру деген.
Бұл қуанышым 3-4 айға ғана созылды. Мен шынымен ата анам болса да жалғыз сезінудемін өзімді. Бауырым үйленді. Бауырымның қызын сүйіп еркелетіп аламын. Кеш болса бəрі бөлмелеріне кіріп кетеді ал мен жалғыз қаламын.
Жолдасым артымнан келмеді іздеп. Ол да сүймейтіні рас екен. Осы вк дан неше түрлі страница ашып аламын тауып алады. Номерімді сұрайды. Хабарласуымды өтінеді. Бірақ өзі келмейді. Анасы ырымын жасап бір келіп кетті.
Осылай жалғызсырап жүргенде сол баяғы алғашқы махаббатымды кездестіріп қалдым. Шынымен махаббаттың тылсым күші бар екен. Жылап алдым оны құшақтай. Оның қалтыраған қолдарын ұстап əптен өксіп өксіп жыладым. Оның да біраз жыл бұрын үйленіп ажырасқанын сырттай есіткен едім. Оның да жалғыздықтан жабырқап жүргені маған сезілді.
Солай күнде кездесетін болдық.Үнемі жұмыстан үйге алып кеп тастайды. Бір қолы рульде болса бір қолымен менің қолымды ұстап алады. Мен шынымен бақытты махаббатты қайта сезгендей болдым.
Осылай 3-4 ай кездесіп, сезімге беріліп біз некесіз 1 рет жақындасып қойдық. Алланың өзі кешірсін некесіз болғанға шайтан араластыма бəлкім мен төсек лəззəтін алғаш сезіндім. Ол рақатты да сүйгенімнің құшағын де ұмыта алар емеспін.
Ол темекі тартады. Сүйгенім соншалық темекі тартқанына да сүйсініп қарап отырамын. Оны жоғалтудан қатты қорққаным соншалық қатты қызғанамын. Оның адал екенін білсемде болмашы нәрсеге ұрыс шығара беремін. Оны жалықтырыпта алған сияқтымын. Мінезімді дұрыстай алар емеспін. Оның үйі біледі мені. Үйлендіреміз деп отыр. Менің анам да біледі. Бəрі шынайы. Бірақ мен болмашыға оны кінәлап ұрыс шығара беремін. Өз өзіме түсіне алар емеспін.
Бірінші күйеуімнің мамасы мен жұмыс істейтін мекемеге келіп кетіп жүр. Түсінбеймін неге келіп жүргенін. Менің кабинетімді де сұрапты əріптестерден. Есігім алдына келіп біраз тұрып кеткенін де көргендер бар. Мені баласына қайтарғысы келіп ескішілік істеп жүрген жоқпа екен деп қорқып отырмын. Өйткені соңғ кезде мен күйеуімді қатты сағынатын болып жүрмін.
Жігітме жаңа хабарласып мені мазалама деп ұрыстым. Өзімде білмеймін неге олай айтқанымды. Ол шынымен хабарласпай кетсе не істеймін. Куеуімді де сағынып болмашы қорқынышты түстерді көріп жүрмін. Шайтан қыздарды. Күйеуімді сүйген емеспін. Бірақ неге бұлай болып жатыр екен. Өз өзімді түсіне алар емеспін. Қатты ашуланшақ болып кеттім.
Негізі ескішілікке сене бермейтін едім. Молдаға оқытылмай, бойымды, ойымды қалай тазаласам болады? Ақыл айтсаңыздар екен...
Аноним