Күйеуім бірінші әйелін үйге әкеп алды
Сәлеметсіздер ме, құрметті қауым, қыз-келіншектер! Менің сіздермен бөлісетін сырым бар. Ішқұса болып әбден қиналып кеттім. Ешкімнің менде шаруасы жоқ.
Былтыр біраз уақыт сөйлесіп жүрген жігітке тұрмысқа шықтым, некемізді қидырып, отау құрдық. Үйленген соң оның ата-анасымен бірге тұра бастадық. Отбасы болған соң анда-санда кикілжіңдер болып тұратын, бірақ мен күйеуімді сыйлап, жақсы көргендіктен ұрыс-керісті ушықтырмауға тырысатынмын.
Күйеуім маған дейін бір рет үйленген, алғашқы әйелінен қызы бар. Әйелі осыдан 3 жыл бұрын кетіп қалған екен. Алайда олар заң жүзінде ажыраспапты. Мен күйеуіме ылғи да бұрынғы әйелімен заңды түрде жарысып, екеуміз некеге тұрайық деп айтып жүретінмін. Ол да қарсы болмаған сыйңай танытқан. Енді міне, ол маған күтпеген жерден "тосынсый" жасап отыр.
Ол жақынлда әйелімен қайта жарасқанын айтып, оны үйге әкеп алды. Төбемнен жай түскендей болды, не істерімді білмеймін. Енем маған "олардың арасына түспей, өз еркіңмен кетіп қал" деді. Ал күйеуім болса, екінші әйелім болам десең шыда, саған өзім барып тұрамын, шыдамасаң өзің біл дейді. Сонда олар үшін менің өмірім ойыншық болғаны ғой.
Осындай сұмдық жағдай менің басымда болады деп үш ұйықтасам түсіме кірмепті. Сонша уақыт сөйлесіп, көріп , біліп, Алланың алдында некемізді қиып, бірге тұрып алып, енді мені керексіз зеттай лақтырып жіберді. Күйеуімді мүлде дұрыс танымаған екенмін.
Енді не істеймін, жүгімді алып мүлде кетіп қалғаным дұрыс шығар?
Аноним
