Түркістан облысында өзін емшімін деп таныстырған Данияр есімді адам "аз ғана білімімен халықты емдеп жүрмін" деп ашығын айтты, - деп хабарлайды Alashainasy.kz. Бұл туралы Caravan.kz тілшісі "Астарлы ақиқат" бағдарламасына сілтеме жасап жазды.
Жынысынан жын шығармақ болып, 22 жасар қыздың астына екі саусағын тыққан емші қандай жазаға лайық?
Қорландым, молдасымақтың құрбаны болдым деген 22 жасар Аяулым бағдарлама барысында болған жайтты түгелдей баяндап берді.
- Анам басқа бөлмеде қалды. Мені емші екінші бөлмеге алып кірді. Кішкентай ғана көрпешені емшінің әйелі төсеп берді. Бөлмеде басқа ештеңе болған жоқ. Емші өзімен бірге гинекологиялық бір құрылғыны, яғни, темірді алып кірді. Ол маған асты жағымды жалаңаш шешіп, көйлегімді жоғары көтеруімді бұйырды.Аяғыңды көтеріп тоңқайып жат деді
Алдымен шүмек сияты бір темір тықпақ болды. Сосын астың тар екен кірмей жатыр, Мен қолымды сулап тығып көрем. Сонда кіреді деді. Сонымен қатар, қолында перчатка болған еді. Бірақ, оны қолына киместен екі саусағын мені астыма тықты. Денеңді бос ұста, ауырмайды деп айтты. Содан соң, астыма толғанша су құйды, дейді ауруына ем іздеп барған Аяулым.
Қыздың айтуынша емші алдымен сары сұйықтық ішкізген. Емделемін деп барып, қорланған қыз енді оның жазалануын қалайтынын айтты.
Ал, емші Саймасаев:
- Өзі ауру, асты сасып кеткен ауруды не істеймін. Анасы мені мәжбүрлеп, емдеуімді өтініп қоймаған соң, екі рет астына су толтырып, бір минуттан ғана суды ұстап, екі рет астын шайдым. Болды, басқа ештеңе істеген жоқпын, деп айтты жасырын камераға түсіп қалған емші.
Заңгер мен қоғам белсенділері, саусағын қызға тықпағанмен, білімі жоқ емші, жыныс мүшесіне тигені үшін айыпталады. Мына видеодан ешқашан басын алып қаша алмайды, деп емшінің жауапқа тартылатынын айтты. Мұнда Қылмыстық кодекстің 120-121 бабы бойынша жыныстық сипаттағы зорлық-зомбылық әрекеттерінің белгісі бар деді.
Бағдарлама барысында, емші әр еміне 10 мың, 20 мың, 30 мыңдап алған ақшасын журналист арқылы қайтарып бергенін жасырмады.