Колумбияда көпбалалы әке Хуан Карлос Гарсия әйелі мен оның көңілдесін төсек үстінен ұстап алып атып тастады, - деп хабарлайды L!FE.ru.
Таяуда полиция 42 жастағы Атлантико департаментінің тұрғынын ұстады, ол екі адамды өлтірді деген күдікке ілінген. Ұсталған азамат полицияға әйелі Сандра Кастельянос пен оның көңілдесін өз үйінде жыныстық қатынасқа түсіп жатқан жерінен ұстап алып, атып тастағанын айтып берген.
Ер адам түнгі күзетші болып қызмет еткен, оның көршілері әйелінің күйеуінің көзіне шөп салып жүргені туралы айта бастағаннан кейін, күдіктене бастаған. Оның 39 жастағы әйеліне 35 жастағы жергілікті тұрғын Ной Гомес келіп жүрген.
Хуан Карлос Гарсия бір күні демалыс алып, үйіне кіріп келгенде әйелі мен оның көңілдесінің өз үйінде жыныстық қатынасқа түсіп жатқан жерінен түскен. Қабырғаның арғы жағында үш баласы ұйықтап жатқанына қарамастан, ол ойланбастан қызметтік қарудан екеуінде жайратып салған.
Кісі өлтіргеннен кейін, ол барлығын мойындаған, алайда өкініш білдірмеген. Ол өзінің әйелі ерін мазақ еткенін және істеген ісіне еш өкінбейтінін айтты. Үш баланы ерлі-зайыптылардың туыстары асырайтын болады.