16 жастағы қызды өгей ағасы зорлаған
Туған анасы зорлыққа итермелеген қыз, шешесінен бас тартты. Түркістан облысының тұрғыны Зағипа Сапаррханды өгей әкенің баласы зорлап, салдарынан мүгедек баланы өмірге әкелген көрінеді. Бұл туралы Caravan.kz тілшісі "Көреміз" бағдарламасына сілтеме жасап жазды, - деп хабарлайды Alashainasy.kz тілшісі.
Бағдарлама барысында анасының қарауынсыз болған қыз өгей әкенің ұлына зорланғанын айтты.
- Мен зорландым. Ол кезде мен 16 жастамын. Зорлаған жігіт 24-25 шамасында. Анам көріп, білсе де ештеңе демеді. Екі айдан соң жүкті екенімді білгеннен кейін, мені танымайтын көзі қыли жігітке тұрмысқа берді. Басқа біреуден жүкті екенімді білсе де маған үйленді. Кейін енем білген соң, ажырасып кеттім. Күйеуіме жасырмай айттым, дейді 16 жасында жыныстық жәбір көрген қыз.
- Оңтүстіктің қызымын. Бізде 70 пайыз қызды осылай сыйламайды. Өмірлері осылай, зорланып жүре береді, деген сұмдық жайттың бетін ашып айтты журналист Меруерт Әйтенова.
Зағипа бұдан соң да қойшы еркектің зорлап кеткенін айтты. Бірақ, анасы оны өзің шақырғансың, жеңіл жүрісті қызсың деп балағаттаған.
- Анам өзінен де үлкен инвалид ер адамға тұрмысқа беретінін айтты. Мүгедектікке алатын жәрдемақысын алып, маған беріп отырасың", деп мені әбден төмен санап қорлады, деп көзіне жас алды.
Зағипа анадан еш жылулық көрмегенін, енді анасымен бірге бір шаңырақ астында тұрғысы келмейтінін айттуда. Өзім өмір сүргім келеді, деді ол.
Зағипа екі ағайынды. Оның айтуынша, інісін анасы балалар үйіне өткізген. Басқа күйеуге тиген. Ал, өз әкесі өмірден өткен. Анасы мен әкесі Зағипа 8 айлық кезде ажырасқан. "Әкемді мүлдем көрмегенмін, білмеймін" дейді ата-ана махаббатына бөленбеген қыз.
Бағдарлама барысында Зағипа Сапарханды қоғам белсендісі Ақмарал Басирова "Мерейлі мекен" орталығына орналасытыруға көмектесетінн айтты.
- Осы қызды орналастыруға көмектесемін. 40 шақты бөлме бос тұр. Жағдай жасалған. Ол жердле кәсіп үйренемін десе де болады. Оқытады, үйретеді" дейді.
