Жас патриоттар робототехникадағы жетістіктерімен бөлісті

Атырауда әскери-патриоттық клубтар арасында онлайн-робототехника жарысы өтті. Ол Кеңес әскерлерінің Ауғанстаннан шығарылғанының 32 жылдығына арналды.

Байқау екі номинация бойынша өтті: «Әскери робототехника» және «Қару-жарақтың, әскери техниканың үлгілері». Атырау облысының білім беру мекемелерінің әскери-патриоттық клубтары мен «Жас сарбаз» сыныптарының 32 тәрбиеленушісі өз үлгілері мен макеттерін таныстырды.
«Коронавирус пандемиясы енгізген шектеулер білім беру ұйымдарында студенттер үшін жаңа мүмкіндіктер ашады. Байқаудың көптеген қатысушылары робототехника, 3D модельдеу және схемотехника курстарын қашықтықта оқиды. Олардың арасында болашақта еліміздің қорғаныс өнеркәсібіне үлес қосатындар бар екеніне сенімдімін», - деді «Жас сарбаз» балалар мен жасөспірімдер әскери-патриоттық қозғалысының Атырау облыстық филиалының жетекшісі Нұрлан Елеуов.
Байқау қорытындысы бойынша Атырау политехникалық колледжінің студенттері Темірлан Нүптоллаев пен Еламан Жанатбек «Робототехника» номинациясы бойынша жеңімпаз атанды. Олар M-939 жүк тасымалдау жабдықтарының өзіндік моделін ұсынды.
«Қару-жарақ пен әскери техниканың үлгілері» екінші номинациясы бойынша Жылыой ауданының «Жас техниктер станциясының» тәрбиеленушісі Жұмаш Дастан үздік деп танылды.
Жарысты Атырау облыстық дене шынықтыру және спортты дамыту орталығының алғашқы әскери және технологиялық дайындық басқармасының қолдауымен өтті.

ҚР ҚМ Атырау гарнизоны бойынша баспасөз қызметі
капитан Рустем Игисинов