Хибратулла Ермекұлы Досқалиев
Хибратулла Ермекұлы Досқалиев 1955 жылы 16 тамызда Ресей Федерациясының Астрахан облысында дүниеге келген. Астрахан арнайы милиция мектебін, КСРО Ішкі істер министрлігінің Қарағанды жоғары мектебін, Ресей Федерациясының Ішкі істер министрлігі академиясын тәмамдаған. Заңгер, заң ғылымының докторы, полицияның генерал-майоры, 1979 жылдан Жаңаөзен қалалық қылмыстық іздестіру бөлімінің инспекторы, бастығы, ішкі істер бөлімі бастығының бірінші орынбасары. 1986 жылдан Мұнайлы аудандық ішкі істер бөлімінің бастығы. 1989 жылдан Жаңаөзен қалалық ішкі істер бөлімінің бастығы. 1990 жылдан Маңғыстау облыстық Ішкі істер басқармасының бөлім бастығы, басқарма бастығының бірінші орынбасары. 1995 жылдан Маңғыстау облыстық Ішкі істер басқармасының бастығы, Қостанай облысы бойынша Мемлекеттік тергеу комитеті басқармасының бастығы. 1997 жылдың мамырынан ҚР Мемлекеттік тергеу комитеті төрағасының орынбасары. 1997 жылдың қарашасынан Маңғыстау облыстық Ішкі істер басқармасының бастығы. 1999 жылдың маусымынан ҚР Ішкі істер министрлігі Көші-қон полициясы департаменті бастығының орынбасары, 2002-2006 жылдары Қызылорда облысы Ішкі істер басқармасының бастығы, 2006-2008 жылдары Оңтүстік Қазақстан облысының Ішкі істер басқармасының бастығы қызметтерін атқарған. 2009 жылдан бастап - Қазақстан Республикасы ІІМ экстремизмге қарсы күрес басқармасының бастығы.
«Астана» мерейтойлық медалімен, «ІІМ-дегі мінсіз қызметі үшін» және РФ-ның «Жауынгерлік достастығы үшін» медалімен марапатталған.
