Тұрсынбек Қазенұлы Өмірзақов
Тұрсынбек Қазенұлы Өмірзақов 1958 жылы 13 тамызда Ақмола облысы Астрахан ауданы Шілікті ауылында дүниеге келген. 1981 жылы Целиноград ауылшаруашылығы институтын тәмамдаған.
1981-1991 жылдары - ЦАШИ-да оқытушы. 1987 жылы экономика ғылымдарының кандидаты ғылыми дәрежесіне арналған диссертациясын қорғады. 1991 жылы өзінің алғашқы «Азамат» шағын жеке кәсіпорынын құрды. 1993-1995 жылдары - Целиноград қаласындағы Тұранбанктің Көліктік бөлімінің өнеркәсіптік кәсіпорындарды несиелеу бөлімінің бастығы. 1995-1997 жылдары - «Әділет» ЗФ ЖШС, «Азамат» ЖШС ж.т.б. басшысы. 1997-98 жылдары - Ақмола қаласы әкімшілігінің Ақмола «АЭА жоспарлау және келешекті болжау» бөлімінің меңгерушісі, Астана қаласының кәсіпкерлерді қолдау басқарма бастығының орынбасары. 1998-1999 жылдары ҚР АШМ-нің Жаңаша қаржылық технологиялар, несиелік және салық саясаты бөлімінің басшысы. 1999-2007 жылдары Астана қаласы Мәслихатының депутаты, «О Азамат» холдингтік компаниясының басшысы. 2005 жылдан бастап «Атамекен» одағы» Қазақстан Республикасы Ұлттық Экономикалық палата филиалының директоры. 2006-2007 жылдары - Л.Гумилев атындағы ЕҰУ экономика факультетінің «Маркетинг және коммерция» кафедрасының аға оқытушысы. 2007-2010 жылдары - Алматы қаласындағы Халықаралық Бизнес Университетінің докторантурасы, 2010 жылы докторлық диссертациясын қорғады. 2009-2011 жылдары - Астана қаласы С.Сейфуллин атындағы ҚазАТУ «Менеджмент» кафедрасының аға оқытушы. 2012 жылғы қаңтардан бесінші сайланған Қазақстан Республикасы Парламенті Мәжілісінің депутаты, Қазақстан Коммунистік Халық Партиясының партиялық тізімі бойынша сайланған, Қаржы және бюджет комитетінің мүшесі, Қазақстан Республикасы Парламент Мәжілісі «Халықтық Коммунистер» фракциясының мүшесі.
«Құрмет» орденімен, ІІІ дәрежелі «Атамекен» медалімен, «Астанаға 10 жыл», «Қазақстан Республикасының тәуелсіздігіне 20 жыл», «Қазақстан Республикасының Парламентіне 10 жыл», «Қазақстан Республикасының тәуелсіздігіне 10 жыл» мерекелік медалдарімен, ҚР Президентінің алғыс хатымен, ҚР Премьер-Министрінің құрмет грамотасымен марапатталған, «Іскер жыл адамы» байқауының лауреаты атағы берілген.
