Тасболат Мыңболұлы Игібаев

Тасболат Мыңболұлы Игібаев 1938 жылы 17 қаңтарда дүниеге келген. Техника ғылымының докторы (1998). 1967 жылы Қарағанды политехникалық институтын бітірген соң Жезқазған шахталарында кен қопарушы, слесарь-автоматшы, механик болып жұмыс істеді. Одан әрі Жезқазған тау-кен техникумында оқытушы, Қарағанды шахталарында ауысым мастері, кен инженер, Қарағанды политехникалық институтының Балқаш бөлімшесінде декан, Алматы темір жол көлігі инженерлері институтының Ақтөбе бөлімшесінде декан, Қазақ политехникалық институтында (қазіргі Қазақ ұлттық техникалық университетті) доцент, декан (1972-1994) қызметтерін атқарды. 1994-1997 жылдар аралығында - «Көмір» холдингті компаниясында бөлім бастығы. Қорғаныс өнеркәсібі Комитетінің бас маманы. 2001-2004 жылдары Архитектуралық-Құрылыс Академиясында профессор. 2004 жылдан қазіргі уақытқа дейін Қ.И. Сәтбаев атындағы Қазақ Ұлттық Техникалық Университетінде Металлургия және полиграфия институтының Бейорганикалық заттардың химиялық технологиясы кафедрасында профессор қызметін атқарып келеді.70-тен астам ғылыми еңбектің, монографияның авторы. 16 өнертабысы пен авторлық куәлігі бар.