Сұлтан Мырзабекұлы Дүйсембінов
Сұлтан Мырзабекұлы Дүйсембінов 1959 жылы 18 сәуірде Талдықорған облысы (қазіргі Алматы облысы) Гвардия ауданы Бостан ауылында дүниеге келген. Екі жоғары білімі бар, 1980 жылы Алматы сәулет-құрылыс институтын құрылыс инженері мамандығы бойынша, 1987 жылы Қазақ мемлекеттік экономикалық университетін экономист мамандығы бойынша тәмамдаған.
Еңбек жолын 1980 жылы «Казколхозспецстрой» тресі №2 жылжымалы механикаландырылған колоннасының шебері болып бастаған. 1982 жылдың ақпанынан қарашаға дейін №1 құрылыс тресі №25 жылжымалы механикаландырылған колоннасының шебері. 1982 жылдың желтоқсан айынан 1986 жылғы желтоқсанға дейін Талдықорған ауданаралық сауда базасының прорабы. 1982 жылдың желтоқсан айынан 1991 жылдың наурызына дейін Талдықорған ауданаралық сауда базасы директорының орынбасары. 1991 жылғы наурыздан 1996 жылғы шілдеге дейін «Қаблан» жан-жақты сауда құрылыс кәсіпорнының директоры. 1996 жылдың тамызынан 1998 жылдың сәуіріне дейін облыстық әкімшілік жанындағы облыстық экономикалық келісімді реттеу қоры директорының орынбасары. 1998 жылғы сәуірден 1999 жылғы мамырға дейін Ескелді ауданы әкімінің орынбасары. 1999 жылғы мамырдан 2001 жылғы тамызға дейін Ескелді ауданы әкімінің бірінші орынбасары лауазымында қызмет істеді. 2001 жылғы тамыздан 2011 жылдың тамызына дейін Ескелді ауданының әкімі. 2011 жылдың тамыз айынан бастап Қаратал ауданының әкімі.
