Қайрат Исағалиев 1939 жылы 16 тамызда Атырау облысында дүниеге келген. Алматы шет тілдері педагогикалық институтын тәмамдаған. Қазақстан Республикасы дипломатиялық қызметінің еңбек сіңірген қызметкері.
Мектеп-интернатта француз тілінің оқытушысы, Ембі аудандық комсомол комитетінің бірінші хатшысы қызметтерін атқарған. 1969-1971 жылдары - Алжирдегі кеңестік мамандар тобының аудармашысы. 1971-1976 жылдары - Қазақ шетелдік мемлекеттермен достық және мәдени байланыс қоғамының бөлім меңгерушісі. 1976-1979 жылдары - Қазақ КСР Сыртқы істер министрлігінің бөлім меңгерушісі. 1979-1981 жылдары - Қазақстан Компартиясы Орталық Комитетінің нұсқаушысы. 1981-1985 жжылдары - «Интурист» сыртқы экономикалық акционерлік қоғамының бөлімше бастығы. 1985-1988 жылдары - Алматы облыстық кәсіподақ кеңесінің нұсқаушысы. 1990-1992 жылдары - Қазақстан Республикасы Автомобиль жолдары министрлігінің бас маманы. 1992-1997 жылдары - Қазақстан Республикасы Сыртқы істер министрлігінің бөлім меңгерушісі, басқарма бастығы, министрліктің кеңесшісі. 1997-1999 жылдары - Қазақстан Республикасының Түрікменстандағы Елшілігінің кеңесшісі. 1999-2002 жылдары - Қазақстан Республикасының Моңғолиядағы істерінің уақытша сенімді өкілі. 2002-2004 жылдары - Қазақстан Республикасы Сыртық істер министрінің кеңесшісі. 2004 жылдан бастап әл-Фараби атындағы Қазақ ұлттық университетінің аға оқытушысы болып істейді.
Бірнеше медальмен марапатталған.
Қайрат Исағалиев
Последние статьи автора