Қадырхан Махмұтұлы Отаров
Қадырхан Махмұтұлы Отаров 1953 жылы 17 желтоқсанда Ақтөбе облысы Шалқар ауданының Бершегір кентінде дүниеге келген. Батыс-Қазақстан ауыл шаруашылығы институтын бітірген. Ауылшаруашылығы ғылымының кандидаты.
Еңбек жолын 1975 жылы Ақтөбе облысы «Хлебодаровский» кеңшарының зоотехник-селекционері болып бастады. Бас зоотехник лауазымынан бастап облыстық ауыл шаруашылығы басқармасының бастығы лауазымына дейінгі еңбек жолын өтті. 1994 жылғы мамырда Қазақстан Республикасының Ауыл шаруашылығы Вице-министрі болып тағайындалды. 1999 жылғы қарашадан бастап Ақмола облысы әкімінің орынбасары, бірінші орынбасары қызметтерін атқарды. Кейін Қазақстан Республикасы жер ресурстарын басқару агенттігінің төрағасы, Қазақстан Республикасы Өңірлік даму министрлігі жер ресурстарын басқару комитетінің төрағасы қызметтерін атқарды. 2014 жылғы маусым айынан бастап Ақмола облысы әкімінің орынбасары болып қызмет атқарады. 2014 жылғы қазан айында Ақмола облысы әкімінің бірінші орынбасары болып тағайындалды
«Құрмет», «Парасат», ІІІ дәрежелі «Барыс» ордендерімен, мерейтой медальдарымен наградталған.
