Николай Николаевич Турецкий

Николай Николаевич Турецкий 1958 жылы 8 қарашада Алматы облысы Талғар ауданының Кирово ауылында дүниеге келген. 1985 жылы С.М. Киров атындағы Қазақ мемлекеттік университетінің заң факультетін бітірген, заңгер. Заң ғылымының докторы (2005), полковник.
1976 жылдан - Кеңес әскерінің қатарында қызметте. 1976 жылдан - Алматы тұрғын үй құрылысы комбинатының қалыптаушысы. 1979 жылдан - «Фосфат» спорт клубының нұсқаушысы. 1980 жылдан - С.М. Киров атындағы Қазақ мемлекеттік университетінің студенті. 1983 жылдан -ҚазКСР (ҚР) Ішкі істер министрлігі органдарында қызмет еткен. 2002 жылдан - Қазақ криминологиялық ассоциациясының директоры, «Предупреждение преступности» журналының редакторы әрі мамандандырылған «Динамо» ДШҚ оқу орталығы директоры. 2007 жылдан бері - ҚР Парламенті Мәжілісі 4-ші шақырылымының «Нұр Отан» ХДП тізімі бойынша депутаты, Заңнама және сот-құқықтық реформа комитетінің мүшесі. 2012 жылдан бастап Ғайрат Сапарғалиев атындағы мемлекет және құқық ғылыми-зерттеу институтының директоры.
«ІІО-ға сіңірген еңбегі үшін», «Қазақстан Конституциясына 10 жыл» (2005) медальдарымен; БЛКЖО ОК Құрмет белгісімен; ҚазКСР Жоғарғы Кеңесі Презедиумының грамотасымен марапатталған.150-ден астам жарияланымдардың (комментарийлер, оқулықтар, монографиялар, оқу құралдары, мақалалар) авторы.
Велосипед спорты бойынша спорт шебері.