Мұрат Құралұлы Шалабаев

Мұрат Құралұлы Шалабаев  1960 жылы 1 сәуірде Алматы облысы Жамбыл ауданы Бірлік ауылында дүниеге келген.
Құрманғазы атындағы Алматы мемлекеттік консерваториясын бітірген. 1984 жылдан бері - Абай атындағы мемлекеттік академиялық опера және балет театрының әншісі. «Қыз Жібекте» - Төлеген, «Біржан мен Сарада» - Біржан, «Абайда» - Айдар, «Риголеттода» - Герцог, «Севиль шаштаразында» - Альмамива, «Травиатада» - Альфред, «Патшаның қалыңдығында» - Лыков, «Фаустыда» - Фауст, «Евгений Онегинде» - Ленский, «Қамар сұлуда» - Ахмет, «Богемада» - Рудольф партияларын орындады. ҚР еңбек сіңірген әртісі. М.Глинка атындағы Бүкілодақтық конкурстың дипломанты. А.Дворжак атындағы Бүкіләлемдік сыйлықтың иегері. Президенттік оркестрдің әншісі, тенор.