Мұрат Қабдылжаппарұлы Мұсатаев

Мұрат Қабдылжаппарұлы Мұсатаев 1963 жылы 21 наурызда Шығыс Қазақстан облысында дүниеге келді. Семей мемлекеттік медицина институтын, ҚР Президенті жанындағы Ұлттық мемлекеттік басқару жоғары мектебін, Астрахань мемлекеттік техникалық университетін бітірген.
1993 жылдан Алматы қаласындағы ҒЗИ кіші ғылыми қызметкері, «Богас» корпорациясының (Семей) маманы. 1994-1996 жылдары - «Асыл-инвест» инвестициялық-жекешелендіру қорының басқарушысы.  1995 жылғы шілдеден - ҚР Президенті жанындағы Ұлттық мемлекеттік басқару жоғары мектебінің тыңдаушысы. 1996 жылдан - «Мұхтар және К» фирмасының өкілі. 1997 жылдан - ҚР стратегиялық жоспарлау агенттігінде маман, бөлім бастығы, басқарма бастығы. 1997 жылдан ҚР табиғат ресурстары және қоршаған ортаны қорғау вице-министрі. 2002 жылдан - ҚР Президенті Әкімшлігінің ұйымдастыру-бақылау бөлімінің мемлекеттік инспекторы. 2003 жылдан - ҚР Ауыл шаруашылығы министрлігінің Балық шаруашылығы комитетінің төрағасы. 2005 жылғы ақпаннан - ҚР Парламенті Мәжілісі төрағасының кеңесшісі. 2005 жылғы тамыздан - ҚР Президенті Әкімшлігінің ұйымдастыру-бақылау бөлімінің мемлекеттік инспекторы. 2007 жылдан - Қарағанды облысы әкімінің орынбасары. 2008 жылғы қыркүйектен бері ЕурАзЭҚ бас хатшысының орынбасары.
«Астана», «Қазақстан Республикасының тәуелсiздiгiне 10 жыл», «Қазақстан Конституциясына 10 жыл», «Қазақстан Парламентiне 10 жыл» медальдармен марапатталған.