Кенжехан Ісләмжанұлы Матыжанов 1957 жылы 08 наурызда Шығыс Қазақстан облысы Тарбағатай ауданы Маңырақ ауылында дүниеге келген. фольклортанушы, филология ғылымының докторы (2005). ҚазҰПУ-ды бітірген (1978). 1978 - 1985 жылдары орта мектепте мұғалім, 1985 - 1991 жылдары Әдебиет және өнер институтының кіші, аға ғылыми қызметкері, академияның Қоғамдық ғылымдар бөлімшесінің ғалым-хатшысы, 1991 - 1992 жылдары ҚазҰПУ-дың доценті, 1992 - 1996 жылдары ҚР Президенті мен Министрлер кабинеті аппаратының бөлім референті, ҚР Министрлер кабинеті жанындағы Тіл комитеті төрағасының орынбасары, ҚР Үкіметі аппаратының бөлім кеңесшісі, ҚР Білім, мәдениет және денсаулық сақтау министірлігінің Тіл саясатын үйлестіру департаменті директорының орынбасары, 1997 - 1998 жылдары Қазақстан Мәдениет, ақпарат және қоғамдық келісім министірлігінің тілдерді дамыту департаментінің бөлім бастығы, 1998-2001 жылдары Қазақстанның мемлекеттік орталық мұражайы директорының ғылым жөніндегі орынбасары қызметтерін атқарған. 2001-2004 жылдары Қазақстан Республикасы бірінші президенті мұражайының директоры. 2005 жылы Алматы қалалық мәдениет департаменті директорының орынбасары. 2005 жылдың қазан айынан 2010 жылдың қаңтарына дейін Алматы қаласы тілдерді дамыту басқармасының бастығы;
2010 жылғы қаңтардан 2012 жылғы наурызға дейін Алматы қаласы ішкі саясат басқармасының бастығы. 2012 жылдан бастап «Нұр Отан» ХДП Алматы қалалық филиалы төрағасының бірінші орынбасары;
"Рухани уыз" монографиясы (1995) мен жүзге тарта ғылыми мақалалардың авторы.
Кенжехан Ісләмжанұлы Матыжанов
Последние статьи автора