Кеңес Үмбетжанұлы Биекенов
Кеңес Үмбетжанұлы Биекенов 1933 жылы 26 қыркүйекте Ақтөбе облысында дүниеге келген. Қазақ мемлекеттік университетін, КОКП ОК жанындағы Қоғамдық ғылымдар академиясының аспирантурасын тәмамдаған. Философия ғылымының кандидаты, әлеуметтану ғылымының докторы, профессор, Қазақстан Республикасы Жоғары мектеп ғылым академиясының академигі.
1973-1978 жылдары Ақтөбе институтының кафедра меңгерушісі болған. 1978 жылдан Алматы жоғары партия мектебінің доценті, кафедра меңгерушісі, Алматы саясаттану және басқару институтының кафедра меңгерушісі, Қазақстан менеджмент, экономика және құқық институтының әлеуметтану және философия кафедрасы меңгерушісінің орынбасары қызметтерін атқарған. 1993 жылдан бастап Әл-Фараби атындағы Қазақ ұлттық университетінде істейді. Ғалымның 200-ден астам ғылыми еңбегі жарық көрген.
Бірнеше медальмен марапатталған.
